தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
இந்திய திரையுலகத்தில் முதன் முறையாக அதிக பட்ஜெட்டில் தயாராகி வரும் படம் என்ற பெருமையைப் பெற்றுள்ள '2.0' படத்தின் டீசர் இன்று காலை வெளியானது. இந்த டீசர் ஏற்கெனவே ஆறு மாதம் முன்பாகவே இணையங்களில் லீக் ஆகி பரபரப்பை ஏற்படுத்தியது. அந்த டீசரையே தான் வேறு எந்த மாற்றமும் இல்லாமல் தற்போது வெளியிட்டிருக்கிறார்கள்.
'2.0' படத்தின் இசை, டீசர், டிரைலர் வெளியீடு ஆகியவை பற்றி கடந்த வருடம் செப்டம்பர் மாதம் ஒரு அறிவிப்பை வெளியிட்டார்கள். அதன்படி அக்டோபர் மாதம் துபாயில் இசை வெளியீடும், நவம்பர் மாதம் ஐதராபாத்தில் டீசர் வெளியீடும், டிசம்பர் மாதம் சென்னையில் டிரைலர் வெளியீடும் இருக்கும் என்றார்கள்.
அதன்படி, இசை வெளியீடு மட்டுமே கடந்த வருடம் அக்டோபர் மாதம் துபாயில் நடைபெற்றது. ஆனால், டீசர், டிரைலர் வெளியீடு ஆகியவை நடைபெறவில்லை. அந்த விழாக்கள் தள்ளி வைக்கப்பட்டது குறித்து எந்த ஒரு அறிவிப்பையும் அவர்கள் வெளியிடவும் இல்லை. பட வெளியீடும் தள்ளிப் போனதால் ரஜினி ரசிகர்கள் ஏமாற்றமடைந்தனர்.
இதனிடையே, கடந்த வாரம் இப்படத்தின் டீசர் இன்று வெளியாகும் என்று அறிவித்தார்கள். எந்த ஒரு விழாவையும் நடத்தாமல் யு டியுபிலும், தியேட்டர்களிலும் இன்று '2.0' டீசர் வெளியானது. டிரைலர் வெளியீட்டு விழாவாவது நடைபெறுமா அல்லது அதையும் டீசரைப் போலவே வெளியிடுவார்களா என்பது இனிமேல்தான் தெரிய வரும்.