டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
"வருத்தப்படாத வாலிபர் சங்கம்", "ரஜினி முருகன்" படங்களின் வெற்றிக் கூட்டணியான சிவகார்த்திகேயன் - பொன்ராமின் கூட்டணியில், விநாயகர் சதுர்த்தியான இன்று வெளியாகி இருக்கும் மற்றுமொரு படம் தான் சீமராஜா. 24 ஏஎம் சார்பில் ராஜா தயாரித்திருந்தார்.
இப்படத்திற்கு காலை 5 மணிக்கு சிறப்பு காட்சி அனுமதி வழங்கப்பட்டிருந்தது. ஆனால் படம் ரிலீஸாகவில்லை. சினிமா பைனான்சியர்களுக்கு தர வேண்டிய பணப்பட்டுவாடா தான் பிரச்னைக்கு காரணம் என்கிறார்கள். இதனால், சென்னை உள்ளிட்ட பல இடங்களில் 5 மணி காட்சி ரத்து செய்யப்பட்டது.
பின்னர் பட வெளியீட்டிற்கான பேச்சுவார்த்தை இரு தரப்பிலும் நேற்று இரவு முதல் விடிய விடிய நடந்தது. ஒருவழியாக பிரச்னை முடிவுக்கு வந்ததை அடுத்து பட ரிலீசில் இருந்த சிக்கல் நீங்கியது. 8 மணி முதல் காட்சிகள் திரையிடப்பட்டன.
முன்னதாக 5 மணி காட்சி ரத்தானதால் அதற்கான பணம் ரசிகர்களிடம் மீண்டும் வழங்கப்படும் என தியேட்டர் நிர்வாகத்தினர் கூறினர்.
ரஜினி, கமல், விஜய், அஜித், சூர்யா போன்ற முன்னணி நடிகர்களுக்கு சமமாக சிவகார்த்திகேயனுக்கு தியேட்டர்களில் பெரிய பெரிய கட் - அவுட்கள், பேனர்கள் என ரசிகர்கள் அலங்கரித்தனர். அதிகாலை காட்சி ரத்தானாலும் 8 மணிக்கு பிறகு படம் ரிலீஸானதால் ரசிகர்கள் கொண்டாடி வருகின்றனர்.