இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
பவர் பாண்டி' படத்தின் மூலம் இயக்குநராக அறிமுகமான தனுஷ், அடுத்து ஒரு படத்தை இயக்க ஆரம்பித்திருக்கிறார்.
இடையில், கெளதம் மேனன் இயக்கத்தில் 'எனை நோக்கி பாயும் தோட்டா', பாலாஜி மோகன் இயக்கத்தில் 'மாரி 2', வெற்றிமாறன் இயக்கத்தில் 'வடசென்னை' மற்றும் 'த எக்ஸார்டினரி ஜர்னி ஆஃப் த பஹிர்' என நடிப்பில் மட்டும் கவனம் செலுத்தி வந்தார்.
இந்நிலையில், தன்னுடைய அடுத்த படத்தின் படப்பிடிப்பை பூஜையுடன் தொடங்கிவிட்டார். 'பவர் பாண்டி' படம் ரிலீஸானபோதே அடுத்ததாக ஸ்ரீ தேனாண்டாள் ஃபிலிம்ஸ் தயாரிப்பில் தனுஷ் ஒரு படத்தை இயக்கப் போவதாகவும், 'பாகுபலி' போல வரலாற்றுப் படமாக அது இருக்கும் என்றும் சொல்லப்பட்டது.
அந்த செய்திகளை உண்மையாக்குவதுபோல் தனுஷின் இரண்டாவது படத்தை ஸ்ரீ தேனாண்டாள் ஃபிலிம்ஸ்தான் தயாரிக்கிறது. 'பவர் பாண்டி' படத்தில் ராஜ்கிரணின் சின்ன வயது வேடத்தில் நடித்த தனுஷ், தற்போது இயக்கும் படத்தில் ஹீரோவாக நடிக்கிறார். அதிதி ராவ் கதாநாயகியாக நடிக்கும் இந்தப்படத்தில், நாகர்ஜுனா, சரத்குமார், எஸ்.ஜே.சூர்யா, ஸ்ரீகாந்த் ஆகியோரும் முக்கியக் கதாபாத்திரங்களில் நடிக்கின்றனர். ஓம் பிரகாஷ் ஒளிப்பதிவு செய்யும் இந்தப் படத்துக்கு, ஷான் ரோல்டன் இசையமைக்கிறார்.
சிவகார்த்திகேயனின் ஆஸ்தான கலை இயக்குநரான முத்துராஜ் இந்தப்படத்தில் கலை இயக்குநராகப் பணியாற்றுகிறார். தனுஷ் உடன் தொடர்பில் இருக்கும் யாரையும் தன்னுடன் சேர்க்கமாட்டார் சிவகார்த்திகேயன். தன்னுடைய பி.ஆர்.ஓ. தனுஷுக்கும் பி.ஆர்.ஓ.வாக பணியாற்றினார் என்பதற்காக பி.ஆர்.ஓ.வையே மாற்றினார். இப்போது தன்னுடைய கலை இயக்குநர் தனுஷ் படத்தில் பணியாற்றுவதை எப்படி எடுத்துக்கொள்வாரோ?