Dinamalar

குறைவான நிதி? - மலையாள நடிகர்கள் மீது ஷீலா பாய்ச்சல்

கேரளாவில் ஏற்பட்ட பெரும் வெள்ளப் பெருக்கால் அந்த மாநிலம் கடும் பாதிப்புக்கு உள்ளாகி இருக்கிறது. பல தரப்பிலிருந்தும் கேரள அரசுக்கு நிதி வழங்கி வருகிறார்கள். தமிழ் நடிகர்களே கோடி கணக்கில் நிதி கொடுக்கும்போது மலையாள நடிகர்கள் சில லட்சங்களே கொடுத்துள்ளனர் என்ற விமர்சனம் கேரளாவில் பரவலாக எழுந்துள்ளது. இதுகுறித்து வெளிப்படையாக பேசி உள்ளார் பழம்பெரும் மலையாள நடிகை ஷீலா. அவர் கூறியிருப்பதாவது:

கேரளாவில் வெள்ளத்தால் மக்கள் வீடுகளையும் உடமைகளையும் இழந்து நிற்கிறார்கள். ஆனால் மலையாள நடிகர்கள் வெள்ள நிவாரணத்துக்கு குறைவான தொகையை வழங்கி உள்ளனர். முன்னணி மலையாள நடிகர்கள் பயன்படுத்தும் கார்களின் விலை ரூ.4 கோடி. கோடி கணக்கில் சம்பளம் வாங்குகிறார்கள். ஆனால் அவர்கள் வெள்ள நிவாரணத்துக்கு வழங்கிய தொகை சில லட்சங்கள் தான் என்பது வேதனையாக இருக்கிறது.

கேரள அரசு ஊழியர்கள் ஒரு மாத சம்பளத்தை வெள்ள நிவாரணத்துக்கு கொடுக்கிறார்கள். அவர்களை ஒப்பிடும்போது நடிகர்கள் ஒரு படத்துக்கு வாங்கும் சம்பளத்தை வெள்ள நிவாரணத்துக்கு கொடுக்க வேண்டாமா?. உங்களுக்கு பெயர், புகழ், பணம் எல்லாவற்றையும் கொடுத்தது ரசிகர்கள் தான். அவர்கள் கொடுத்த பணத்தில் தான் சொகுசாக வாழ்கிறீர்கள். இப்போது அந்த மக்கள் வீதியில் நிற்கும்போது நடிகர்கள் அதிக நிதி கொடுத்து உதவி செய்து அவர்கள் பக்கம் நிற்பது தான் நியாயம்.

இவ்வாறு ஷீலா கூறியுள்ளார்.

• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...

• 
  பிளாஷ்பேக்: இசையிலும் சாதனை படைத்த ராஜ்குமார்
• 
  ஹாலிவுட் பட ஆடிசனில் கலந்து கொண்ட பஹத் பாசில்
• 
  தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை
• 
  10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் ...
• 
  ஜன கன மன 2 எப்போது? - இயக்குனர் தகவல்