ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
சிவகார்த்திகேயன் தயாரிப்பில் அருண்ராஜா காமராஜ் இயக்கி உள்ள படம் கனா. சத்யராஜ், ஐஸ்வர்யா ராஜேஷ், இளவரசு, முனீஷ்காந்த் நடித்துள்ளனர். திபு நினன் தாமஸ் இசை அமைத்துள்ளார்.
இந்தப் படத்தில் அப்பா மகள் உறவைச் சொல்லும் "வாயாடி பெத்த புள்ள..." என்ற பாடல் இடம் பெறுகிறது. இதனை சிவகார்த்திகேயன், அவரது மகள் ஆராதனா, மற்றும் வைக்கம் விஜயலட்சுமி ஆகியோர் பாடி உள்ளனர். இந்த பாடல் சமீபத்தில் யு டியூப்பில் வெளியிடப்பட்டது. வெளியிடப்பட்ட 100 மணி நேரத்தில் ஒரு கோடி பேர் இந்த பாடலை கேட்டு லைக் தட்டி உள்ளனர். இந்த பாடல் உருவாக்கம் குறித்து அதனை எழுதிய ஜி.கே.பி.கூறியதாவது:
எந்தவொரு வேலைக்கும் ஒரு உத்வேகம் தேவை என்றால், தந்தை-மகள் உறவுக்கு அது அவசியமே இல்லை. மனிதர்களின் அத்தனை உணர்வுகளிலும், தந்தை-மகள் பிணைப்பு என்பது எப்போதுமே மிகவும் தூய்மையானது. இது காரணங்களுக்கு அப்பாற்பட்ட ஒரு விஷயம். ஒரு மனிதன் தனது ஆத்ம துணையை கண்டுபிடித்தால் தான் அவனது வாழ்வு முழுமையடைகிறது என்ற ஒரு பழமொழி உண்டு. ஆனால் உண்மையில், ஒரு பெண் குழந்தையை பெற்று, அது வளர்வதை, அவளது கனவுகளை சாதிப்பதை பார்ப்பது தாம் மிகப்பெரிய சந்தோஷம். இதுவே கனா பட கரு, இந்த படமும், பாடலும் அனைவருக்கும் அதன் தாக்கத்தை ஏற்படுத்தும். என்றார்.