'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
பிரஷாந்த் நடிப்பில் ஆர்.கே.செல்வமணி இயக்கிய செம்பருத்தி படத்தில் அறிமுகமானவர் நடிகை ரோஜா. அதன்பிறகு ரஜினிகாந்த், விஜயகாந்த் என அனைத்து முன்னணி நடிகர்களுடனும் நடித்தார். பின்னர் தன்னை சினிமாவில் அறிமுகம் செய்த இயக்குநர் செல்வமணியையே 2002ம் ஆண்டு திருமணம் செய்து கொண்டார். அவர்களுக்கு ஒரு மகனும், மகளும் உள்ளனர்.
சில ஆண்டுகளாக சென்னையில் இருந்த ரோஜா, ஒரு கட்டத்தில் தனது சொந்த ஊரான ஆந்திராவுக்கு சென்றவர், தெலுங்கு தேசம் கட்சியில் இணைந்தார். அதையடுத்து இரண்டு முறை நகரி எம்எல்ஏ தொகுதியில் போட்டியிட்டு தோல்வியடைந்த ரோஜா, பின்னர் ஒய்எஸ்ஆர் காங்கிரசில் இணைந்தார். அதன்பிறகும் அதே நகரி தொகுதியில் போட்டியிட்டவர் வெற்றி பெற்று தற்போது எம்எல்ஏவாக இருக்கிறார்.
இந்நிலையில், நகரி தொகுதியில் வாடகை வீடு பிடித்து குடியேறியிருந்த ரோஜா, தற்போது நகரி தொகுதியிலேயே ஒரு பங்களா கட்டியுள்ளார். அந்த பங்களாவின் கிரஹப்பிரவேசம் நேற்று நடந்துள்ளது. அதில் ஏராளமான ஒய் எஸ் ஆர் காங்கிரஸ் கட்சியினர் கலந்து கொண்டு விழாவை சிறப்பித்துள்ளனர்.