Dinamalar

'சைரா' டீசர், பலத்த வரவேற்பு

சுரேந்தர் ரெட்டி இயக்கத்தில், அமித் திரிவேதி இசையமைப்பில், சிரஞ்சீவி, அமிதாப்பச்சன், ஜெகபதிபாபு, கிச்சா சுதீப், விஜய் சேதுபதி, நயன்தாரா, தமன்னா மற்றும் பலர் நடிக்கும் வரலாற்றுப் படம் 'சை ரா நரசிம்ம ரெட்டி'. இப்படத்தின் டீசர் சிரஞ்சீவியின் இன்றைய பிறந்த நாளை முன்னிட்டு ஒரு நாள் முன்னதாக நேற்றே யு டியூபில் வெளியிடப்பட்டது.

வெளியிட்ட உடனேயே இப்படத்தின் டீசரை பலரும் ரசித்துப் பார்த்தனர். திரையுலகப் பிரபலங்கள் முதல் ரசிகர்கள் வரை அனைவரும் டீசரைப் பாராட்டி வருகின்றனர். டீசரில் இடம் பெற்றுள்ள காட்சிகள் மிக நேர்த்தியுடன் பிரம்மாண்டமாக இருப்பது அனைவரையும் கவர்ந்திருக்கிறது. சுதந்திரப் போராட்டத்தில் ஆங்கிலேயர்களை எதிர்த்து வீராவேசத்துடன் போரிட்ட சைரா நரசிம்மரெட்டியின் போராட்டத்தை வெளிப்படுத்தும் கதை கொண்ட படம் இது.

1 நிமிடம் 19 வினாடிகள் உள்ள டீசரில் சிரஞ்சீவி மட்டுமே உள்ளார். மற்ற நடிகர்களோ, நடிகைகளோ இடம் பெறவில்லை. நான்கு மொழிகளில் எடுக்கப்படுவதாகச் சொல்லப்படும் இப்படத்தின் டீசர் தெலுங்கு மொழியில் மட்டுமே தற்போது வெளியிடப்பட்டுள்ளது. மற்ற மொழி டீசர்களை வெளியிடவில்லை. சிரஞ்சீவியின் 'விக்' வைத்திருப்பது மட்டும் நன்றாகத் தெரிகிறது. மற்றபடி டீசரின் பிரம்மாண்டம் வியக்க வைக்கும் அளவிற்கு அமைந்திருக்கிறது.

நேற்று நண்பகல் வெளியான டீசர் தற்போது வரை 74 லட்சத்திற்கும் அதிகமான பார்வைகளையும், 2.9 லட்சத்திற்கும் அதிகமான லைக்குகளையும் பெற்றுள்ளது.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ?
• 
  சொத்து மதிப்பை வெளியிட்ட பவன் கல்யாண்
• 
  'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா?
• 
  பிளாஷ்பேக்: இசையிலும் சாதனை படைத்த ராஜ்குமார்
• 
  ஹாலிவுட் பட ஆடிசனில் கலந்து கொண்ட பஹத் பாசில்