'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
தென்னிந்திய நடிகர் சங்கத்தின் 65வது பொதுக்குழு கூட்டம் வருகிற 19-ம் தேதி நடைபெறுகிறது. இதுகுறித்து நடிகர் சங்கம் வெளியிட்டுள்ள அறிக்கையில் கூறியிருப்பதாவது :
தென்னிந்திய நடிகர் சங்கத்தின் 65-வது பொதுக்குழு கூட்டம், ஆகஸ்ட்19-ம் தேதி, ஞாயிறு பிற்பகல் 2 மணிக்கு சென்னை வாலாஜா சாலையிலுள்ள கலைவாணர் அரங்கில், தலைவர் நாசர் தலைமையில் நடைபெறுகிறது. இந்த பொதுக்குழு கூட்டதில் சங்க செயல்பாடுகள் குறித்து விவாதிக்கப்படுவதுடன் சங்கத்தின் வரவு செலவு கணக்குகளும் தாக்கல் செய்யப்படுகின்றன.
பொதுச்செயலாளர் விஷால் வரவேற்புரை நிகழ்த்த, துணை தலைவர் கருணாஸ் 2017-2018-க்கான ஆண்டறிக்கை மற்றும் தணிக்கை செய்யப்பட வரவு-செலவு கணக்குகளை வாசித்து ஒப்புதலுக்கு சமர்ப்பிப்பார். பொருளாளர் கார்த்தி, எதிர்கால பொருளாதார திட்டமிடல் குறித்தும் உரை நிகழ்த்த, விஷால் கடந்த கால நிர்வாக செயல்பாடுகள் மற்றும் எதிர்கால திட்டங்களை விளக்கி ஒப்புதல் பெறுவார்.
மேலும் 2018 - 2021 ஆண்டுக்கான தேர்தல் குறித்தும் முடிவெடுக்கப்படும். துணைத்தலைவர் பொன்வண்ணன் நன்றி உரையுடன் பொதுக்குழு நிறைவடையும். உறுப்பினர் அடையாள அட்டை உள்ளவர்கள் மட்டுமே அரங்கத்தினுள் அனுமதிக்கப்படுவார்கள்.
இவ்வாறு தெரிவிக்கப்பட்டுள்ளது.