ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
தெலுங்கு படங்களில் நடித்துக் கொண்டிருந்த ஆனந்திக்கு கயல் படம் அடையாளம் கொடுத்தது. அதன் பிறகு அவர் நடித்த சண்டிவீரன், விசாரணை, த்ரிஷா இல்லேன்னா நயன்தாரா ஆகிய படங்கள் கவனம் பெற்றன. இந்த படங்கள் தவிர ஆனந்தி நடித்த 10க்கும் மேற்பட்ட படங்கள் அவ்வளவாக பேசப்படவில்லை. இதனால் அழகும், திறமையும் இருந்தும் ஆனந்தி தனக்கான இடத்தை பிடிக்க முடியாமல் போனது.
தற்போது அவர் திருக்குமரன் எண்டர்டெயின்மெண்ட் சி.வி.குமார் தயாரிப்பில், எம்.ஜானகிராமன் இயக்கத்தில், தயாராகியுள்ள டைட்டானிக்: காதலும் கவுந்து போகும் என்ற படத்தில் நடித்து முடித்துள்ளார். ஜானகிராமன் பாலா, சுதா கொங்கரா, பாலாஜி மோகன் ஆகியோரிடம் உதவியாளராக இருந்தவர்.
ஆனந்தியுடன் கலையரசன், காளி வெங்கட், ஆஷ்னா ஜவேரி, மதுமிதா ஆகியோர் நடித்துள்ளனர். இயக்குனர் பாலாஜி மோகனும், நடிகை காயத்ரியும் சிறப்பு தோற்றத்தில் நடித்துள்ளனர். நிவாஸ் கே.பிரசன்னா இசை அமைத்துள்ளார். பல்லு ஒளிப்பதிவு செய்துள்ளார்.
"இது முழுநீள ரொமாண்டிக் காதல் திரைப்படம். திரைக்கதை காமெடியாக நகர்ந்தாலும் நம் வாழ்வில் கடந்த சென்ற விஷயங்கள் வந்து போகும். படத்தின் கிளைமாக்ஸ் அதிர்ச்சி தரும் சீரியசாக இருக்கும். சிரிக்க வைத்து சிந்திக்க வைக்கிற படமாக இது உருவாகி உள்ளது" என்கிறார் இயக்குனர் ஜானகிராமன். ஆனந்தியை. டைட்டானிக் கரை சேர்க்குமா என்பது படம் வெளிவந்த பிறகு தெரியும்.