டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தெலுங்கில் வெளிவந்து பெரிய வரவேற்பையும், வெற்றியையும் பெற்ற படம் 'அத்தாரின்டிக்கி தாரேதி'. திரிவிக்ரம் சீனிவாஸ் இயக்கத்தில் பவன் கல்யாண், சமந்தா, நதியா நடித்து 2013ம் ஆண்டு வெளிவந்த படம். அப்படத்தின் தமிழ் ரீமேக் உரிமையை லைகா புரொடக்ஷன்ஸ் நிறுவனம் சமீபத்தில் வாங்கியது.
தமிழ் ரீமேக்கை யார் இயக்கப் போவது, முக்கியக் கதாபாத்திரங்களில் யார் நடிக்கப் போகிறார்கள் என அந்தத் தகவல் வெளியான போதே பலரும் பேசிக் கொண்டார்கள். தற்போதைய தகவலின்படி பவன் கல்யாண் நடித்த கதாபாத்திரத்தில் சிம்புவும், நதியா நடித்த கதாபாத்திரத்தில் குஷ்புவும் நடிக்க உள்ளதாகத் தெரிகிறது. சுந்தர் .சி இந்தப் படத்தை இயக்க உள்ளாராம். படத்தின் நாயகி தேர்வும் நடந்து வருவதாகத் தகவல் வெளியாகி உள்ளது.
கோடீஸ்வர்ரான பவன் கல்யாண் அவருடைய தாத்தா பொம்மன் இரானியுடன் இத்தாலியில் வாழ்ந்து வருகிறார். ஆனால், மகள் நதியாவுடைய திருமண முடிவால் மகளைப் பிரிந்து வாடுகிறார். மகளுடன் மீண்டும் வாழ நினைத்தாலும் மகள் நதியா அதற்கு மறுக்கிறார். தாத்தாவின் ஆசையை நிறைவேற்ற பேரன் பவன் கல்யாண், இந்தியா வந்து நதியா வீட்டில் டிரைவர் வேலைக்குச் சேர்ந்து நதியாவின் மகள் சமந்தாவைக் காதலிக்க ஆரம்பிக்கிறார். அதன் பின் தாத்தா ஆசையை நிறைவேற்றினாரா இல்லையா என்பதுதான் படத்தின் கதை.
சுந்தர் .சி இயக்கத்தில் 1996ம் ஆண்டு வெளிவந்த 'உள்ளத்தை அள்ளித்தா' படத்தின் கதையைப் போன்ற ஒரு கதைதான் 'அத்தாரின்டிக்கி தாரேதி'. இப்போது அதன் தமிழ் ரீமேக்கை இயக்க உள்ளார் சுந்தர் .சி. தெலுங்கில் வெளிவந்த சில சூப்பர் ஹிட் படங்களின் தமிழ் ரீமேக்கில் ஏற்கெனவே சிம்பு நடித்துள்ளார். இருந்தாலும் பவன் கல்யாண் நடிப்பிற்கு அவர் ஈடு கொடுப்பாரா என்பதுதான் சந்தேகம்.