Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

கோபப்படும் கமல்ஹாசன், என்ன செய்யப் போகிறார் ?

04 ஆக, 2018 - 17:48 IST
எழுத்தின் அளவு:
Angry-Kamalhaasan-:-What-he-going-to-do.?

விஜய் டிவியில் ஒளிபரப்பாகி வரும் 'பிக் பாஸ்' நிகழ்ச்சியில் இந்த வாரத் தலைவியாக ஐஸ்வர்யா தத்தா இருந்தார். இந்தவார நிகழ்ச்சியில் ஐஸ்வர்யாவிற்கு சர்வாதிகாரி ஆக செயல்பட பிக்பாஸ் ஒரு 'டாஸ்க்' கொடுத்திருந்தார். அவருடைய ஆலோசகராக ஜனனியும், பாதுகாவலராக டேனியும் செயல்பட்டார்கள். 'டாஸ்க்' ஆரம்பமான நாளிலேயே பாலாஜிக்கும், ஐஸ்வர்யாவுக்கும் தகராறு ஆரம்பமானது. இந்த 'டாஸ்க்'கில் கலந்து கொள்ள மாட்டேன் என பாலாஜி பகிரங்கமாக அறிவித்தார்.

இதனால், ஆத்திரமடைந்த சர்வாதிகாரியாகச் செயல்பட்ட தலைவி ஐஸ்வர்யா, வீட்டிலுள்ள குப்பைக் கூடையை எடுத்து அதிலுள்ள குப்பைகளை பாலாஜி மீது கொட்டினார். மேலும், மற்றவர்களிடமும் கடுமையாக நடந்து கொண்டார். சில கெட்ட வார்த்தைகளையும் பேசினார்.

பாலாஜி மீது ஐஸ்வர்யா குப்பையைக் கொட்டிய செயல் மனிதத் தன்மையற்றது என்று சமூக வலைத்தளங்களில் கடும் கண்டனம் எழுந்தது. டிவி நிகழ்ச்சி என்றாலும், அதை குழந்தைகளும் பார்க்கிறார்கள் என்ற பொறுப்புடன் விஜய் டிவியும், நிகழ்ச்சியைத் தொகுத்து வழங்கும் கமல்ஹாசனும் நடந்து கொள்ள வேண்டும் என்று பலரும் விமர்சித்தார்கள்.

இன்று சனிக்கிழமை என்பதால் கமல்ஹாசன் பங்கு பெறுவார். அவர் என்ன செய்யப் போகிறார் எனப் பலரும் ஆர்வத்துடன் காத்துக் கொண்டிருக்கிறார்கள். இன்றைய நிகழ்ச்சியின் புரோமோ ஒன்றில் கமல்ஹாசன் கடும் கோபத்துடன் பேசும் காட்சிகள் இடம் பெற்றுள்ளது.

“இன்னைக்கு ராத்திரி 9 மணிக்கு பிக் பாஸ் வாங்கன்னு சொல்றது சம்பளம் வாங்கின கடமை. அதுக்கும் மேல ஒரு கடமையும், பொறுப்பும் எனக்கு இருக்கிறதா நான் நினைச்சிக்கிட்டிருக்கேன். அதைச் செய்ய வேண்டியிருக்கு. கமல்ஹாசன் என்ன செய்யப் போறாருன்னு நீங்க வேடிக்கை பார்த்துட்டிருங்க.... பாருங்க... நீங்க வேடிக்கை பாருங்க, நான் வேலையைப் பார்க்கிறேன்,” என கோபமாகப் பேசிவிட்டுச் செல்கிறார்.

இந்த வாரம் வெளியான பல மீம்ஸ்களில் கமல்ஹாசன் கடுமையாக கிண்டலடிக்கப்பட்டிருந்தார் என்பது குறிப்பிடத்தக்கது.

Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் மகளையே கேவலப்படுத்துறாங்க : சின்மயி மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in