தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
தமிழ்நாட்டில் 'கபாலி, காலா' இரண்டு படங்களுமே வெற்றிப் படங்கள், வசூல் படங்கள் என அந்தப் படங்களின் தயாரிப்பாளர்கள் அறிவித்துவிட்டார்கள். ஆனால் இரண்டு படங்களையும் நம்பி தெலுங்கு டப்பிங் உரிமையை வாங்கி வெளியிட்டவர்கள், திரையிட்டவர்கள் பெரிய நஷ்டத்துக்கு ஆளாகினர். அந்த இரண்டு படங்களின் தோல்வி ரஜினிகாந்தின் தெலுங்கு மார்க்கெட்டை நன்றாகவே வீழ்த்திவிட்டது. இதனால், '2.0' படத்தின் உரிமையை வாங்கி வைத்திருப்பவர் கலக்கத்தில் உள்ளதாக டோலிவுட் வட்டார செய்திகள் தெரிவிக்கின்றன.
'2.0' படத்தின் தெலுங்கு உரிமையை மட்டும் சுமார் 90 கோடி ரூபாய்க்கு முன்னணி வினியோகஸ்தர் ஒருவர் வாங்கியுள்ளாராம். அதோடு படத்திற்காக 20 கோடி ரூபாய் அட்வான்ஸ் கொடுத்துள்ளாராம். ஆனால், 'கபாலி, காலா' படங்களின் தோல்வியில் ஆந்திரா, தெலுங்கானா மாநிலங்களில் ரஜினிகாந்திற்கு ஏற்பட்ட சரிவு காரணமாக '2.0' படத்தின் உரிமையைத் தக்க வைத்துக் கொள்ள அவர் விரும்பவில்லை என்கிறார்கள்.
மேலும், பட வெளியீட்டின் தாமதமும் அவரை நெருக்கடிக்கு ஆளாக்கியிருக்கிறதாம். படத்தின் விலையைக் குறைத்தால் மட்டும் வாங்க அவர் விரும்புவதாகவும் தயாரிப்பு நிறுவனம் விலையைக் குறைக்கவில்லை என்றால் கொடுத்த முன்பணத்தைத் திரும்பக் கேட்க உள்ளதாகவும் தகவல் வெளியாகியுள்ளது.
அந்த வினியோகஸ்தர் படத்தின் உரிமையைத் தக்க வைப்பதிலிருந்து பின்வாங்கிவிட்டால், வேறு சில வினியோகஸ்தர்கள் அவர்கள் சொல்லும் விலைக்கு படத்தை வாங்கத் தயாராக உள்ளார்களாம்.
உலக அளவில் '2.0' படத்தை இந்தியாவின் பெரிய வெளியீடாக வெளியிட தயாரிப்பு நிறுவனம் திட்டமிட்டிருந்த நிலையில் கிராபிக்ஸ் கம்பெனிகளின் தாமதத்தால் படத்தின் மீதான இமேஜ் குறைந்து வருவதாக திரையுலக வட்டாரங்களில் தெரிவிக்கிறார்கள். ஆனால், அதையெல்லாம் '2.0' படம் முறியடித்து பெரிய வரவேற்பைப் பெறும் என்றும் ரஜினி ரசிகர்களும், ஷங்கர் ரசிகர்களும் காத்துக் கொண்டிருக்கிறார்கள்.