Dinamalar

அன்னையின் பெயரை இணைத்துக் கொண்ட சீதக்காதி பட இசையமைப்பாளர்

விஜய்சேதுபதி நடித்து வரும் 96 மற்றும் சீதக்காதி ஆகிய இரண்டு படங்களுக்கும் ஒரே நேரத்தில் இசையமைத்து வருகிறார் இசையமைப்பாளர் கோவிந்த் வஸந்தா. கேரளாவை சேர்ந்த இவர், கேரளாவில் மிகவும் புகழ்பெற்ற தாய்க்குடம் பிரிட்ஜ் என்கிற இசைக்குழுவை உருவாக்கியவர். அதுமட்டுமல்ல பிரபல மலையாள இசைக்கலைஞரான பீதாம்பரனின் மகனும் கூட.

மலையாளத்தில் துல்கர், பஹத் பாசில் படங்களுக்கு இசையமைத்துள்ள இவரை, தனது ஒரு பக்க கதை மூலம் தமிழுக்கு அழைத்து வந்தார் இயக்குனர் பாலாஜி தரணீதரன். அந்தப்படம் இன்னும் வெளிவராத நிலையில் விஜய் சேதுபதியை வைத்து தான் இயக்கும் சீதக்காதிக்கும் இவரையே இசையமைக்க சொல்லிவிட்டார்.

இந்த சமயத்தில் பாலாஜி தரணீதரனின் படங்களில் ஒளிப்பதிவாளராக பணியாற்றிய சி.பிரேம்குமாருடன் கோவிந்த் வஸந்தா நட்பானார். இதையடுத்து விஜய்சேதுபதி - த்ரிஷா நடிக்கும் 96 படம் மூலமான இயக்குனராக மாறிய பிரேம்குமார், தனது படத்திற்கும் கோவிந்த் வஸந்தாவையே இசையமைப்பாளாராக்கி விட்டார்.

சமீபத்தில் வெளியான அசுரவதம் படத்திற்கு இசையமைத்ததும் இந்த கோவிந்த் வஸந்தா தான். மலையாள திரையுலகில் கோவிந்த் மேனன் என்கிற பெயரில் இசையமைத்துவரும் இவர், தனது தாய் வசந்தகுமாரியின் பெயரையும் தன்னுடன் இணைத்துக்கொண்டு தமிழில் கோவிந்த் வஸந்தா என்கிற பெயரில் அடியெடுத்து வைத்துள்ளார்.

இவரை பற்றிய இன்னொரு முக்கிய செய்தி, சமீபத்தில் மலையாள நடிகர் சங்கத்தில் இருந்து விலகிய நான்கு நடிகைகளின் போட்டோக்களை ஒன்றிணைத்து தனது பேஸ்புக் கவர் போட்டோவாக வைத்துள்ளார்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்