Dinamalar

பிரபுதேவா - விஜய் மீண்டும் இணையும் 'தேவி 2'

ஏ.எல்.விஜய் இயக்கத்தில், பிரபுதேவா நடிப்பில் 2016-ம் வெளியான படம் 'தேவி'. தமன்னா ஹீரோயினாக நடித்த ஹாரர் காமெடி வகையைச் சேர்ந்த இந்தப் படம் தமிழ், தெலுங்கு மற்றும் ஹிந்தி என மூன்று மொழிகளிலும் இந்தப் படம் ரிலீஸானது.

அதன்பிறகு பிரபுதேவா நடித்த குலேபகாவலி, மெர்குரி ஆகிய படங்கள் படு தோல்வியடைந்தன. ஆனாலும் தொடர்ந்து பிசியாக நடித்து வரும் பிரபுதேவா, தற்போது 'யங் மங் சங்', 'சார்லி சாப்ளின் 2', 'காமோஷி' ஆகிய படங்களில் நடித்து வருகிறார்.

'தபாங் 3' ஹிந்திப் படத்தை இயக்குவதற்கான பணிகளிலும் பிரபுதேவா ஈடுபட்டுள்ளார். இந்நிலையில் 'தேவி' படத்தைத் தொடர்ந்து விஜய் இயக்கத்தில் 'லக்ஷ்மி' என்ற படத்தில் நடித்து முடித்துள்ளார் பிரபுதேவா.

நடனத்தை மையமாக வைத்து எடுக்கப்பட்டுள்ள இந்தப் படத்தில், மொத்தம் 12 பாடல்கள் இடம் பெற்றுள்ளதாக சொல்லப்படுகிறது. ஐஸ்வர்யா ராஜேஷ், கருணாகரன், கோவை சரளா, சாம்ஸ் ஆகியோர் முக்கிய வேடங்களில் நடித்துள்ளனர்.

இந்தப்படத்தைத் தொடர்ந்து பிரபுதேவா - ஏ.எல்.விஜய் இருவரும் 'தேவி 2' படத்துக்காக மீண்டும் இணைகின்றனர். இது தேவி படத்தின் தொடர்ச்சியா அல்லது வேறு கதையா என்பது குறித்து தகவல் வெளிவரவில்லை.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  'கல்கி'யில் அஸ்வத்தாமாவாக நடிக்கும் அமிதாப்
• 
  மீண்டும் பிஸியாகிறார் நித்தி அகர்வால்
• 
  'குரங்கு பெடல்' 80ஸ் கிட்ஸின் கதை : கமலக்கண்ணன்
• 
  மே 17ல் வருகிறார் சத்யபாமா
• 
  பிளாஷ்பேக் : ஜானகியை காத்த ராமன்