நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி | வைப் குமாரில் விஷ்ணு விஷாலுக்கு ஜோடியாக அதிதி ஷங்கர் | அமெரிக்காவில் பைக் விபத்தில் காயம் அடைந்த அனுஷ்கா பட ஹீரோ | சித்தார்த்-அதிதி ராவ்-க்கு நயன்தாரா வாழ்த்து | துபாய் மியூசியத்தில் தனது மெழுகுசிலையுடன் போஸ் கொடுத்த அல்லு அர்ஜுன் |
ஷங்கர் இயக்கத்தில், ரஜினி நடித்துள்ள '2.0' படத்தின் ரிலீஸ் தேதி மீண்டும் ஒத்தி வைக்கப்பட்டிருக்கிறது. தமிழ், தெலுங்கு, இந்தி மொழிகளில், சுமார் 400 கோடி பட்ஜெட்டில் 2015-ஆம் ஆண்டு இப்படத்தின் படப்பிடிப்பு தொடங்கியது.
சுமார் 2 ஆண்டுகள் இந்தப் படத்தின் படப்பிடிப்பு நடைபெற்று, 2017-ஆம் ஆண்டு ஆகஸ்ட் மாதத்துடன் முடிவடைந்தது. கடந்த வருட தீபாவளிக்கு வெளியாகும் என முதலில் அறிவிக்கப்பட்டது. பிறகு இந்த வருடம் ஜனவரி 25-ம் தேதி ரிலீஸ் என அறிவிக்கப்பட்டது. பின்னர் ஏப்ரல் மாதம் ரிலீஸ் என மாற்றப்பட்டது.
ஒத்திவைப்புக்கு காரணமாக, கிராபிக்ஸ் வேலைகள் முடியவில்லை என்று சொல்லப்பட்டது. இந்த வருட தீபாவளிக்காவது '2.0' ரிலீஸாகும் என ரஜினி ரசிகர்கள் ஆர்வத்துடன் காத்திருக்கும் நிலையில் இந்த வருட தீபாவளிக்கு 2.0 படம் ரிலீஸாகாது என்கின்றனர். அடுத்த வருட ஜனவரியில் ரிலீஸ் செய்யத் திட்டமிட்டுள்ளார்களாம்.
2.0 படத்தின் கிராபிக்ஸ் பணியை செய்து வரும் லண்டன் நிறுவனம் ஒரு வழக்கில் சிக்கியதால், அந்நிறுவனத்தை சீல் வைத்துவிட்டனராம். அதனால் தான் 2.0 கிராபிக்ஸ் பணிகள் முடியவில்லை என்ற தகவலும் படத்துறையில் உலவுகிறது.