பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் | தேர்தல் விதி மீறல் : விஜய் மீது சென்னை கமிஷனர் அலுவலகத்தில் புகார் | ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்! | 'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர் | மோகன்லாலை சந்தித்தது மிகப்பெரிய கவுரவம் : ரிஷப் ஷெட்டி | வேற்றுக்கிரக மனிதரய்யா நீங்கள் : பஹத் பாசிலுக்கு விக்னேஷ் சிவன் புகழாரம் | இது என்ன பாகிஸ்தானா? : நடிகை ஹர்ஷிகா பூனாச்சா ஆவேசம் |
ஹிந்தித் திரையுலகில் புதிய நடிகையாக மறைந்த நடிகை ஸ்ரீதேவியின் மூத்த மகள் ஜான்வி கபூர் நுழைந்துள்ளார். அவருக்கு ரசிகர்கள் அமோக வரவேற்பைக் கொடுத்துள்ளார்கள். மராத்தியில் வெளிவந்து பெரும் வெற்றி பெற்ற 'சாய்ராட்' படத்தின் ஹிந்தி ரீமேக்காக உருவாகியுள்ள 'தடக்' படத்தின் மூலம் ஜான்வி கபூர் நடிகையாக அறிமுகமாக உள்ளார்.
இப்படத்தின் டிரைலர் மூன்று நாட்களுக்கு முன்பு யு டியூபில் வெளியிடப்பட்டது. நேற்று வரை யு டியுப் டிரென்டிங்கில் முதலிடத்தில் இருந்த இந்தப் படத்தின் டிரைலருக்கு இதுவரை 2 கோடியே 70 லட்சத்திற்கும் மேற்பட்ட பார்வைகள் கிடைத்துள்ளன. 4 லட்சத்திற்கும் மேல் லைக்குகள் கிடைத்துள்ளன. மூன்றே நாட்களில் இப்படி ஒரு வரவேற்பு இந்த டிரைலருக்குக் கிடைத்திருப்பது படக் குழுவினருக்கு கொண்டாட்டமாக உள்ளது.
ஹிந்தியில் முன்னணியில் உள்ள கான் ஹீரோக்களுக்குத்தான் இப்படி ஒரு வரவேற்பு கிடைப்பது வழக்கம். அதே அளவிற்கு ஜான்வி கபூருக்கும், படத்தின் அறிமுக நாயகனான இஷானுக்கும் கிடைத்திருப்பது ஆச்சரியமாக உள்ளது. குறிப்பாக இந்த வரவேற்பில் ஜான்விக்குத்தான் அதிக பங்குண்டு என்பதே உண்மை. டிரைலரில் மிகவும் அழகாக இருக்கிறார் ஜான்வி. அவருக்கும் இஷானுக்கும் ஜோடிப் பொருத்தம் அருமை என டிரைலரைப் பார்த்த பலரும் பாராட்டி வருகிறார்கள்.
ஜுலை 20ம் தேதி இந்தப் படம் உலகம் முழுவதும் வெளியாக உள்ளது.