Dinamalar

தெலுங்கு பிக் பாஸ் 2, பிரபலம் இல்லாத போட்டியாளர்கள்

தென்னிந்திய டிவிக்களில் முதல் முறையாக விஜய் டிவியில் கடந்த வருடம் கமல்ஹாசன் தொகுத்து வழங்கிய பிக் பாஸ் நிகழ்ச்சி ஆரம்பமானது. அதன்பின் தெலுங்கில் ஜுனியர் என்டிஆர் தொகுத்து வழங்கிய பிக் பாஸ் நிகழ்ச்சியும் ஒளிபரப்பாக ஆரம்பித்தது. தமிழ், தெலுங்கில் கடந்த வருடம் ஒளிபரப்பான அந்த இரண்டு நிகழ்ச்சிகளும் மிகவும் பிரபலம் ஆனது.

அதன்பின் பல மாதங்கள் கழித்து தெலுங்கில் பிக் பாஸ் 2 நிகழ்ச்சி நேற்று முதல் ஒளிபரப்பை ஆரம்பித்தது. ஜுனியர் என்டிஆருக்குப் பதிலாக நானி இந்த நிகழ்ச்சியைத் தொகுத்து வழங்குகிறார். ஆனால், நேற்று ஆரம்பமான சீசன் 2வில் கலந்து கொண்டுள்ள போட்டியாளர்களில் பலர் பிரபலம் இல்லாத போட்டியாளர்கள் என்பதால் நிகழ்ச்சி சுவாரசியமே இல்லாமல் ஆரம்பமாகியுள்ளது.

பங்கேற்றுள்ள போட்டியாளர்களில் அதிக பிரபலம் என்று சொன்னால் நடிகர் தனிஷ், நடிகை தேஜஸ்வி ஆகியோரை மட்டுமே சொல்லலாம். இதில் தேஜஸ்வி நட்பதிகாரம் 79 என்ற தமிழ்ப் படத்தில் நடித்திருக்கிறார். 20 தெலுங்குப் படங்கள் வரை நடித்திருக்கிறார். அதே சமயம் முன்னணி ஹீரோயின் என்றும் சொல்ல முடியாது. நடிகர் தனிஷ் ஓரளவிற்குப் பிரபலமானவர், ஆனால் முன்னணி ஹீரோவெல்லாம் கிடையாது.

மற்ற போட்டியாளர்கள் அதிக பிரபலம் இல்லாதவர்கள் என்பதால் எந்த விறுவிறுப்பும் இல்லாமல்தான் முதல் நாள் நிகழ்ச்சி ஆரம்பமாகியுள்ளது. வழக்கம் போல் ஏதாவது நாடகத்தை நடத்தித்தான் நிகழ்ச்சியை பிரபலப்படுத்துவார்கள் போலிருக்கிறது.

தமிழில் பிக்பாஸ் 2 நிகழ்ச்சி வரும் ஞாயிறு, ஜுன் 17ம் தேதியன்று ஆரம்பமாக உள்ளது.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் ...
• 
  ஜன கன மன 2 எப்போது? - இயக்குனர் தகவல்
• 
  25 நாட்களில் 150 கோடி வசூலித்த ஆடுஜீவிதம்
• 
  பிரபல இயக்குனரின் வீட்டில் திருடப்பட்ட நகைகள் ஒரேநாளில் மீட்பு
• 
  'எல்360' படப்பிடிப்பு ஆரம்பம்