பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் | 17 வருடங்களுக்க பிறகு மீண்டும் சினிமாவுக்கு வருகிறார் விஜய்யின் முதல் நாயகி | ரூ.100 கோடி வசூலித்த பஹத் பாசிலின் 'ஆவேஷம்' | பிளாஷ்பேக்: படங்களுக்கும் இசை அமைத்த சூலமங்கலம் சகோதரிகள் |
சிவாஜி கணேசனின் பேரனும், ராம்குமாரின் மகனுமான சிவாஜிதேவ், சிங்ககுட்டி என்ற படத்தின் மூலம் சினிமாவில் அறிமுகமானார். நடிகை ஸ்ரீப்ரியாவின் அக்காதான் சிவாஜிதேவின் தாயார். தற்போது சிவாஜிதேவ் என்ற தனது புனைப்பெயரை துறந்து சிவகுமார் என்ற இயற்பெயரிலேயே நடித்து வருகிறார்.
சிவகுமாரும், நடிகை சுஜா வாருணியும் திருப்பதியில் ஒன்றாக இணைந்து எடுத்த செல்பி புகைப்படம் சமூக வலைத்தளங்களில் பரவியது. இருவரும் திருமணம் செய்து கொள்ள இருப்பதாகவும், நிச்சயதார்த்தம் முடிந்து விட்டதாகவும் கூறப்பட்டது. ஆனால் இதனை சுஜா வருணி மறுத்திருந்தார்.
இந்த நிலையில் சிவகுமார் தன் காதலை ஒப்புக்கொண்டிருக்கிறார். இதுகுறித்து அவர் கூறியிருப்பதாவது: சுஜாவின் ரசிகர்களுக்கும், மீடியா நண்பர்களுக்கும் தெரிவித்துக் கொள்வது என்னவென்றால், நானும் சுஜாவும் கடந்த 11 வருடங்களாக காதலித்து வருகிறோம். பிக்பாஸ் நிகழ்ச்சியில் சுஜா சொன்ன அத்தான், நான் தான்.
எங்களது திருமணத்தை முறைப்படி அறிவிப்போம். இப்போது நான் சிவகுமார் என்ற பெயரில் படங்களில் நடிக்க இருக்கிறேன். எங்களின் தனிப்பட்ட உணர்வுகளுக்கு மதிப்பளித்து இதுகுறித்து தவறான செய்திகளை பரப்ப வேண்டாம் என்று கேட்டுக் கொள்கிறேன் என்கிறார் சிவகுமார் என்கிற சிவாஜிதேவ்.