600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா |
பா.ரஞ்சித் இயக்கத்தில் ரஜினிகாந்த், நானா படேகர், ஹூமா குரேஷி மற்றும் பலர் நடிப்பில் உருவாகியுள்ள படம் 'காலா'. இப்படத்திற்கு ஹிந்தியில் 'காலா கரிகாலன்' எனப் பெயர் வைத்திருக்கிறார்கள். இதன் முதல் போஸ்டரை பிரபல ஹிந்தி நடிகர் அஜய் தேவகன் நேற்று சமூக வலைத்தளங்களில் வெளியிட்டார். பிரபல படத் தயாரிப்பு நிறுவனமான ஏஏ பிலிம்ஸ் இப்படத்தை வட இந்தியா முழுவதும் வெளியிடும் உரிமையைப் பெற்றுள்ளது.
ரஜினிகாந்த் ஏற்கெனவே ஹிந்தி ரசிகர்களுக்கு பரிச்சயமான முகம். மேலும் படத்தில் ஹிந்தித் திரையுலகத்தைச் சேர்ந்த நானா படேகர், ஹூமா குரேஷி உள்ளிட்டவர்கள் நடித்திருப்பதாலும், படம் மும்பை தாராவியில் நடக்கும் கதை என்பதாலும் ஹிந்தி ரசிகர்களைக் கவரும் என்று எதிர்பார்ப்பு எழுந்துள்ளது.
தமிழில் வெளிவரும் அதே ஜுன் 7ம் தேதியன்று படம் ஹிந்தியில் வெளியாகும். ஆனால், ரஜினிக்கு பெரிய மார்க்கெட் உள்ள தெலுங்குத் திரையுலகில் இந்தப் படம் சம்பந்தமான எந்த ஒரு அறிமுக விழாவும் நடக்காமல் இருப்பது தெலுங்கு ரஜினி ரசிகர்களிடையே கடும் கோபத்தை ஏற்படுத்தியுள்ளதாகத் தெரிகிறது.