Dinamalar

கர்நாடகாவின் 'வடிவேலு'வாக ஆன பிரகாஷ்ராஜ்

நடிகர்கள் அரசியலுக்கு வருவது என்பது தென்னிந்தியாவில் மட்டுமல்ல இந்தியா எங்கும் நடந்து கொண்டுதான் இருக்கிறது. ஆனால், சில நடிகர்களுக்குத்தான் அரசியல் ஆர்பாட்டமான வரவேற்பைக் கொடுத்துள்ளது. பலருக்கோ, அதிர்ச்சியைக் கொடுத்து அவர்களுக்கு அவமானத்தையும் ஏற்படுத்திக் கொடுத்திருக்கிறது. அதனால் தான், அமிதாப்பச்சன் போன்ற சூப்பர் ஸ்டார்கள் கூட அரசியலை விட்டு விலகினர்.

தமிழ்நாட்டில் பெண்களால் பெரிதும் போற்றப்பட்ட நடிகர் சிவாஜிகணேசன் தனிக்கட்சி ஆரம்பித்து படுதோல்வியடைந்து கட்சிக்கே மூடுவிழா நடத்தினார். ஆனால், எம்ஜிஆர் அரசியலில் சாதிக்க மக்கள் ஆதரவு இருந்தது. தமிழ்நாட்டில் அடுத்து அரசியலில் இறங்க உள்ள ரஜினிகாந்த், கமல்ஹாசன் ஆகியோருக்கு எப்படிப்பட்ட வரவேற்பு கிடைக்கும் என்பதை தேர்தல்தான் முடிவு செய்யும்.

கர்நாடகாவில் இந்த சட்டசபை தேர்தலில் கடுமையான பிரச்சாரத்தில் ஈடுபட்ட நடிகர் பிரகாஷ்ராஜ் எண்ணம் ஈடேறாமல் போய்விட்டது. பாஜகவிற்கு எதிராக தீவிரமான பிரச்சாரத்தில் ஈடுபட்டார். தனக்கு ஹிந்திப் படங்களில் நடிக்க வாய்ப்பு கிடைக்காமல் போனதற்கும் அரசியல் தான் காரணம் என்றார். பாஜக ஆட்சிக்கு வரவே கூடாது என பிரச்சாரம் செய்தார். ஆனால், மக்களின் எண்ணமோ வேறு மாதிரி அமைந்துவிட்டது.

2011ம் ஆண்டு தமிழ்நாட்டில் நடைபெற்ற சட்டசபை தேர்தலில் திமுகவிற்கு ஆதரவாக தீவிர பிரச்சாரம் மேற்கொண்டார் வடிவேலு. அந்தத் தேர்தலில் திமுக தோற்று அதிமுக ஆட்சியைப் பிடித்தது. அதன்பின் வடிவேலுவை யாருமே நடிக்க அழைக்கவில்லை. ஏன், ஆளும் கட்சியைப் பகைத்துக் கொள்ள வேண்டும் என வடிவேலுவை நடிக்கக் கூப்பிடவேயில்லை. அத்துடன் அவருடைய திரையுலக வளர்ச்சியும் சீட்டுக்கட்டு போல் சரிந்தது.

தற்போது நடந்து முடிந்துள்ள கர்நாடகா தேர்தலில் அப்போதைய வடிவேலு நிலைதான் பிரகாஷ்ராஜுக்கு ஏற்பட்டுள்ளது. இனி, அவரை கன்னடப் படங்களில் நடிக்க அழைப்பார்களா ?.

ஜஸ்ட் ஆஸ்கிங் பிரகாஷ்ராஜ்...!?.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  'கல்கி'யில் அஸ்வத்தாமாவாக நடிக்கும் அமிதாப்
• 
  மீண்டும் பிஸியாகிறார் நித்தி அகர்வால்
• 
  'குரங்கு பெடல்' 80ஸ் கிட்ஸின் கதை : கமலக்கண்ணன்
• 
  மே 17ல் வருகிறார் சத்யபாமா
• 
  பிளாஷ்பேக் : ஜானகியை காத்த ராமன்