‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் | ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ? | சொத்து மதிப்பை வெளியிட்ட பவன் கல்யாண் | மஞ்சும்மேல் பாய்ஸ் தயாரிப்பாளர்களின் மீது வழக்கு பதிவு |
தமிழ்த் திரையுலகத்தில் ஒவ்வொரு ஹீரோவும் அவர்களது படங்களின் வெற்றிக்காக கடுமையாகப் போராட வேண்டியிருக்கிறது. விஷால் நடித்து இதற்கு முன் வெளிவந்த 'துப்பறிவாளன்' வரவேற்பைப் பெற்றாலும் வியாபார ரீதியாக பெரிய லாபத்தைக் கொடுக்கவில்லை என்கிறார்கள். சில ஏரியாக்களில் படம் நஷ்டம் அடைந்ததாகவும் தகவல்.
கடந்த சில வருடங்களாக விஷால் எதிர்பார்த்து வந்த வெற்றியை கடந்த வாரம் வெளிவந்த 'இரும்புத்திரை' படம் கொடுத்துள்ளது. கடந்த வாரம் வெளிவந்த படங்களில் முதலிடத்தில் இருப்பது 'இரும்புத்திரை' தான் என்கிறார்கள். கடந்த மூன்று நாட்களில் மட்டும் இப்படத்தின் வசூல் 10 கோடியைத் தாண்டியிருக்கிறதாம்.
இந்த வாரமும் படம் நல்ல வசூலுடன் தான் ஆரம்பமாகியிருக்கிறதாம். அதனால், அனைத்து ஏரியாக்களிலுமே படத்திற்கு லாபம் கிடைப்பது உறுதி என்கிறது வினியோக வட்டாரங்கள். அதோடு, விஷால் நடித்துள்ள 'சண்டக்கோழி 2' படத்தின் டிரைலரும் வெளியாகி நல்ல வரவேற்பைப் பெற்று வருகிறது.
'இரும்புத்திரை' வெற்றி 'சண்டக்கோழி 2' படத்திற்கு நல்ல வியாபாரத்தை அமைத்துக் கொடுக்கவும் வாய்ப்புள்ளது.