Dinamalar

'விஸ்வாசம்' படத்தில் இரு வேடங்களில் அஜித்?

'விவேகம்' தோல்விக்குப் பிறகு மீண்டும் சிவா - அஜித் இணைந்துள்ள படம் 'விஸ்வாசம்'. இப்படத்தின் படப்பிடிப்பு ஐதராபாத்தில் அமைக்கப்பட்டுள்ள வட சென்னை செட்டில் படமாக்கப்பட்டு வருகிறது.

சமீப காலமாக பல தமிழ்ப் படங்கள் சென்னையில் படமாகாமல் ஐதராபாத்தில் படமாகி வருவதால் தமிழ்த் திரைப்படத் தொழிலாளர்கள் கடுமையாக பாதிக்கப்பட்டு வருகிறார்கள். ஆனால், இது குறித்து பெப்சியும், தயாரிப்பாளர் சங்கமும் உரிய நடவடிக்கை எடுக்கவில்லை என சில தொழிலாளர்கள் மனக்குமுறலை வெளிப்படுத்தி வருகிறார்கள்.

அது ஒருபுறம் இருக்க, 'விஸ்வாசம்' படத்தில் அஜித் இரு வேடங்களில் நடிக்கிறார் என்ற ஒரு தகவல் அரசல் புரசலாக வெளிவந்துள்ளது. சில வாரங்களுக்கு முன்பு அஜித், அவருடைய நரைத்த தலைமுடிக்கு 'டை' அடித்து இளமையான தோற்றத்திற்கு மாறியிருந்தார். அது தான் 'விஸ்வாசம்' படத்தில் அவருடைய 'கெட்-அப்' என சிலர் தெரிவித்தார்கள்.

ஆனால், தற்போது நடந்து வரும் படப்பிடிப்பில் அஜித் முற்றிலுமாக நரைத்த தலை, நன்றாக வளர்ந்த நரைத்த தாடி என வித்தியாசமான கெட்டப்பில் நடித்து வருகிறார். அதனால், படத்தில் அஜித் இரண்டு வேடங்களில் நடிக்கிறார் என்று சிலர் சொல்கிறார்கள்.

இரு வேடங்களா அல்லது பிளாஷ்பேக்கில் இளமையான அஜித்தாக வருகிறாரா என்ற சஸ்பென்ஸ் உடைவதற்கு இன்னும் கொஞ்ச நாட்கள் ஆகலாம்.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் ...
• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்