டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ் சினிமா போராட்டம் முடிந்ததை தொடர்ந்து தமிழ் திரைப்பட தயாரிப்பாளர் சங்கம் பட வெளியீடு முறையில் பல கட்டுப்பாடுகளை கொண்டு வந்துள்ளது.
அதன்படி ஒவ்வொரு வாரமும் அதிகபட்சம் 4 திரைப்படங்களையே வெளியிட வேண்டும், அதிகபட்சமாக 300 தியேட்டர்களில்தான் வெளியிட வேண்டும் என்ற கட்டுப்பாடு விதிக்கப்பட்டுள்ளது.
இதற்காக ஒரு குழுவை தமிழ் திரைப்பட தயாரிப்பாளர் சங்கம் அமைத்துள்ளது. இந்த குழுவினர் அனுமதி அளிக்கும் படங்களே ரிலீஸ் செய்ய வேண்டும். அதன்படி இந்த வாரம் 4 தமிழ் திரைப்படங்களை ரிலீஸ் செய்ய அனுமதி அளித்துள்ளனர்..
அதில் வி.வம்சி இயக்கத்தில் அல்லு அர்ஜுன், சரத்குமார், அனு இமானுவேல், அர்ஜுன், சாருஹாசன் முதலானோர் முக்கிய கேரக்டர்களில் நடித்துள்ள என் பெயர் சூர்யா, என் வீடு இந்தியா படமும் ஒன்று. சரத்குமார் வில்லனாக நடித்துள்ள இந்த படத்தில் அல்லு அர்ஜுன் தேசபற்று மிக்க இராணுவ அதிகாரியாக நடித்துள்ளார்.
அதிரடி ஆக்ஷன் காட்சிகளுக்கும் தேசப்பற்றுக்கும் அதிக முக்கியத்துவம் கொடுத்து இப்படம் உருவாக்கப்பட்டுள்ளது. பெரும் பொருட் செலவில் உருவாகியுள்ள இந்த படம் தமிழகத்தில் 200 தியேட்டர்களில் வெளியாகிறது. தமிழ் பதிப்பு 150 தியேட்டர்களிலும், தெலுங்குப் பதிப்பு 50 தியேட்டர்களிலும் வெளியாகிறது.
மகளிர் மட்டும், கடுகு உட்பட 18 படங்களை வெளியிட்ட சக்தி பிலிம் பேக்டரி நிறுவனம் என் பெயர் சூர்யா, என் வீடு இந்தியா படத்தை தமிழகம் முழுக்க வெளியிடுகிறது.
இந்த வாரம் வெளியாகவிருக்கும் 4 படங்களில் ரசிகர்களை கவரும் அம்சங்கள் கொண்ட படமாக என் பெயர் சூர்யா, என் வீடு இந்தியா படம் இருக்கும் என்கின்றனர்.