பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
2017ம் ஆண்டில் தெலுங்குத் திரையுலகத்தில் ரூ.50 கோடிக்கு வசூலித்து பெரிய வெற்றி பெற்ற படம் 'அர்ஜுன் ரெட்டி'. இப்படத்தின் வசூல் இந்தியத் திரையுலகினரை வியக்க வைத்தது. இப்படத்தின் ரீமேக்கை உடனடியாக வாங்கி தமிழில் 'வர்மா' என்ற பெயரில் பாலா இயக்க ஆரம்பித்துவிட்டார். விக்ரம் மகன் துருவ் இப்படத்தில் கதாநாயகனாக அறிமுகமாகிறார்.
இப்போது இப்படத்தின் ஹிந்தி ரீமேக்கில் நடிக்க ஷாகித் கபூர் சம்மதித்துவிட்டார் எனத் தகவல் வெளியாகியுள்ளது. இப்படத்தின் ரீமேக் உரிமைக்காகப் பலரும் போட்டி போட்டார்கள். கடைசியில் 7 கோடி ரூபாய்க்கு இப்படத்தின் ஹிந்தி உரிமை விற்கப்பட்டது. சாதாரணமாக 2 அல்லது மூன்று கோடி ரூபாய் தான் விலை போகும். ஆனால், படம் பெரிய வெற்றி பெற்றதால் தயாரிப்பாளர்கள் அந்த விலையைக் குறைக்கவில்லை என்கிறார்கள்.
தெலுங்கில் படத்தை இயக்கிய சந்தீப் வங்கா தான் ஹிந்தி ரீமேக்கையும் இயக்கப் போகிறாராம். ஹிந்திக்காக கதையில் சில மாற்றங்களை செய்ய உள்ளார்கள். படத்தில் நாயகியாக நடிக்கும் நாயகி தேர்வும் நடந்து வருகிறது. விரைவில் அறிவிப்பு வெளியாகலாம்.