டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
மாத்தியோசி, கோட்டி, குகன், குரள் 146 படங்களுக்கு இசை அமைத்தவர் குரு கல்யாண். இவர் அவ்வப்போது தனி பாடல்களை உருவாக்கி இணையதளத்தில் பதிவேற்றுவார். அவர் பதவிவேற்றிய வீரத் தமிழன், இளைய தளபதி ரசிகண்டா, தமிழச்சியே, ஜீரோ தான் ஹீரோ உள்ளிட்ட பாடல்கள் பரவலான வரவேற்பை பெற்றுள்ளது. தற்போது மீம்ஸ் பற்றிய பாடல் ஒன்றை வெளியிட்டிருக்கிறார்.
நாட்டு நடப்புகளை கிண்டல் செய்து வெளியாகும் மீம்ஸ்கள் தான் இப்போது டிரண்டிங். அரசியல்வாதி முதல் கம்பெனிகள் வரை மீம்ஸ்களை கண்டு அலறுகிறார்கள். அதைப்பற்றிய பாடல் ஒன்றை இப்போது வெளியிட்டிருக்கிறார். இதுகுறித்து குரு கல்யாண் கூறியதாவது:
மீம்ஸ்" தனிமனிதர் மற்றும் இந்த தலைமுறை மீதும் மிகச்சிறந்த தாக்கத்தை ஏற்படுத்துகிறது, வெகு விரைவாகவும் சென்றடைகிறது. இது ஒரு மாடர்ன் மிமிக்ரி என்றே எண்ணுகிறேன். ஐ.டி மீம்ஸ், பி.பி.ஓ மீம்ஸ், கணவன் & மனைவி மீம்ஸ், என்று இதில் பல வகையான மீம்ஸ்கள் பயன்பாட்டில் இருப்பதை கண்டு வியப்படைந்தேன். ஜாதி மதங்களை தாண்டி இது அனைவரையும் சென்றடைந்து மகிழ்ச்சியடைய வைப்பது மட்டுமல்லாமல் சிந்திக்கவும் வைக்கிறது. போலியான மீம்ஸ் செய்திகள் வந்தால் அதனையும் மீம்ஸ்-ஆக எழுதி அதையும் ட்ரெண்ட் செய்துவிடுகிறார்கள்.
மீம்ஸ் மிகவும் அருமையான வளர்ச்சி, அதனை நம் சமுதாயம் மேலும் அழகுற பயன்படுத்திக்கொண்டால் நமது ஒற்றுமை மேம்படும், தமிழர்களால் எதையும் சாதிக்க முடியும் என்று கருதி, எனது இந்த மீம்ஸ் பாடலை நான் எழுதி, இசையமைத்து, பாடி வெளியிட்டுள்ளேன் என்றார் குரு கல்யாண்.