ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
கொலவெறி பாடல் உலகம் முழுக்க பிரபலமானதன் மூலம் தனுஷ்க்கு இந்தியில் நடிக்கும் வாய்ப்பு வந்தது. ஆனந்த் எல்.ராய் இயக்கும் இப்படத்திற்கு ராஞ்சா என்று பெயரிட்டுள்ளனர். காசியை பின்னணியாக வைத்து இப்படத்தின் கதைக்களம் அமைக்கப்பட்டு இருக்கிறது. இந்நிலையில் படத்திற்கு ஏற்ற கதாநாயகியை தேடி வந்தார் டைரக்டர் ஆனந்த் எல்.ராய். முன்னதாக இப்படத்தில் தனுஷூக்கு ஜோடியாக பாலிவுட்டின் இளம் நடிகை சோனம் கபூர் நடிக்க இருப்பதாக ஏற்கனவே தகவல் வெளியான நிலையில், இப்போது சோனம் கபூர் நடிக்க இருப்பது உறுதியாகி இருக்கிறது.
இதுகுறித்து டைரக்டர் ஆனந்த்.எல்.ராய் கூறுகையில், படத்தின் கதைக்கும், தனுஷூக்கு ஏற்ற நல்ல அழகான பெண்ணை தேடி வந்தேன். அதற்கு சோனம் கபூர் தான் சரியான பெண் என்று அவரை தேர்ந்தெடுத்தோம். இதுதொடர்பாக அவரிடமும் பேசினோம். கால்ஷீட் பிரச்னையால் முதலில் மறுத்துவிட்டார். இப்போது கால்ஷீட் பிரச்னை தீர்ந்து விட்டது. அவரும் நடிக்க சம்மதம் தெரிவித்து விட்டார். ஜூன் முதல்வாரத்தில் படத்தின் சூட்டிங்கை ஆரம்பிக்க இருக்கிறோம் என்று கூறியுள்ளார்.
தனுஷ் கூறுகையில், சோனம் கபூரை பற்றி எனக்கு அவ்வளவாக தெரியாது. என்னை பொறுத்த வரை படத்தின் கதை நன்றாக இருந்தது, எனக்கும் ரொம்ப பிடித்திருந்தது. அதனால் நடிக்க ஒப்புக்கொண்டேன் என்று கூறியுள்ளார்.
கோலிவுட்டில் இருந்து பாலிவுட்டிற்கு போன ஒரு சில நடிகர்கள் மட்டும் தான் முத்திரை பதித்து இருக்கிறார்கள். அந்தவகையில் தனுஷ், பாலிவுட்டிலும் முத்திரை பதிப்பாரா...? பொறுத்திருந்து பார்ப்போம்...!!