டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
கே.வி. ஆனந்த் இயக்கத்தில் சூர்யா நடிக்க உள்ள அவருடைய 37வது படம் பற்றிய அறிவிப்பு நேற்று வெளியிடப்பட்டது. 'அயன், மாற்றான்' ஆகிய படங்களுக்குப் பிறகு இருவரும் மீண்டும் இணையும் படம் இது.
கே.வி. ஆனந்த் இதுவரை இயக்கியுள்ள, “கனா கண்டேன், அயன், கோ, மாற்றான், அனேகன், கவண்” ஆகிய படங்களில் இரட்டை எழுத்தாளர்களான சுபா முக்கிய பங்காற்றினர். கதை, திரைக்கதை, வசனம் ஆகியவற்றில் படத்திற்குப் படம் அவர்களுடைய பங்கு இருந்தது. நேற்று அறிவிக்கப்பட்ட சூர்யாவின் படத்தில் கே.வி. ஆனந்த், அவர்களை விட்டுவிட்டு பட்டுக்கோட்டை பிரபாகர் பெயரை அவருடைய குழுவினர் பெயரில் சேர்த்திருக்கிறார். அது பலருக்கும் ஆச்சரியத்தை அளித்துள்ளது.
பட்டுக்கோட்டை பிரபாகர் பல நாவல்களை எழுதியுள்ள ஒரு எழுத்தாளர், பல படங்களுக்கும் கதை, திரைக்கதை, வசனம் எழுதியுள்ளார். இவர் எழுதிய ஒரு அரசியல், ஆக்ஷன் கதையைத்தான் கே.வி. ஆனந்த், சூர்யாவின் 37வது படமாக இயக்க உள்ளார் என்ற தகவல் வெளியாகியுள்ளது. அதனால்தான், இந்தப் படத்தில் அவருடைய ஆஸ்தான எழுத்தாளர்களான சுபாவை கே.வி. ஆனந்த் இணைத்துக் கொள்ளவில்லை என்கிறார்கள்.
பட்டுக்கோட்டை பிரபாகர் எழுதிய எந்த நாவல் படமாக உள்ளது என்பது விரைவில் தெரிய வரலாம்.