இது என்ன பாகிஸ்தானா? : நடிகை ஹர்ஷிகா பூனாச்சா ஆவேசம் | அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி |
ரஜினிகாந்த் நடித்து கடைசியாக வெளிவந்த படம் 'கபாலி'. 2016ம் ஆண்டு வெளிவந்த அந்தப் படம் சுமார் 300 கோடி வரை வசூலித்ததாகச் சொல்கிறார்கள். ஆனால், படத்தை வாங்கிய பலருக்கும் தமிழ்நாட்டிலேயே நஷ்டம் ஏற்பட்டது. அந்த நஷ்டத்தை வெளியில் தெரியாமலேயே படத்தின் தயாரிப்பாளரான தாணு சரி செய்துவிட்டார் என்றார்கள்.
தெலுங்கில் சுமார் 30 கோடி வரை விற்கப்பட்ட 'கபாலி' படம் அங்கு பெரிய நஷ்டத்தை ஏற்படுத்தியது. தமிழ்நாட்டைத் தவிர வேறு மாநிலங்களில் படம் சரியாகப் போகவில்லை.
முதலில், '2.0' படம் வெளிவரும், அது வந்து வெற்றி பெற்ற பின் 'காலா' படத்தை நல்ல விலைக்கு விற்க வேண்டும் என்பதுதான் படத்தின் தயாரிப்பாளரான தனுஷின் திட்டமாக இருந்தது. ஆனால், '2.0' படத்தின் இறுதிக் கட்டப் பணிகள் தாமதம் ஆனதால், லைக்கா புரொடக்ஷன்ஸ் நிறுவனமே 'காலா' படத்தை வாங்கிவிட்டது.
தமிழில் வியாபார ரீதியாக படத்திற்கு எந்தப் பிரச்சனையும் வரப் போவதில்லை. அதே சமயம், தெலுங்கில் 'காலா' படத்தின் உரிமையை 'கபாலி' விலையை விட 5 கோடி அதிகமாகச் சொல்கிறார்களாம். அவ்வளவு விலை கொடுத்து தெலுங்கில் யாரும் வாங்கத் தயாராக இல்லையாம். ஆனால், அந்த விலைக்குக் குறைவாகப் படத்தை கொடுப்பதாக இல்லை என்கிறார்கள்.
இதனால், கேட்ட விலை கிடைக்கவில்லை என்றால் படத்தை தெலுங்கில் சொந்தமாக வெளியிட முடிவு செய்துள்ளார்களாம். படத்தின் டீசர் வெளிவந்த பிறகு பிசினஸ் நடந்துவிடும் என எதிர்பார்த்து காத்திருக்கிறார்கள்.
தெலுங்கிலும் இன்று வெளியான 'காலா' டீசர் 9 லட்சத்திற்கும் மேற்பட்ட பார்வைகளைப் பெற்றுள்ளது. தெலுங்கு மீடியாக்களில் 'காலா' டீசர் பார்ப்பதற்கு 'கபாலி' படம் போலவே உள்ளதாக விமர்சித்து வருகிறார்கள்.