Dinamalar

ஆபத்தில் தள்ளிய அழகு?

இந்தியத் திரையுலகின் கனவுக் கன்னியாக இருந்த ஸ்ரீதேவியின் திடீர் மரணம் திரையுலக வட்டாரத்தில் மட்டுமல்லாது, அரசியல் வட்டாரங்களிலும் அதிர்ச்சியை ஏற்படுத்தியுள்ளது. பல விஐபிக்கள், அரசியல் தலைவர்கள், தொழிலதிபர்கள் ஸ்ரீதேவியின் மறைவு குறித்து இரங்கல் தெரிவித்து வருகிறார்கள்.

ஸ்ரீதேவியின் கடைசி நிமிடங்கள் எப்படி இருந்தது குறித்து பல்வேறு விதமான தகவல்கள் உலவி வருகின்றன. அவர் குளியலறைக்குச் சென்ற போது மயக்கமடைந்து மரணமடைந்தார் என்றே பெரும்பாலானோர் சொல்கிறார்கள். இருந்தாலும் குடும்பத்தினர் தெரிவிக்கும் தகவல்கள்தான் அதிகாரப்பூர்வமானது.

இதனிடையே, ஸ்ரீதேவியின் மரணம் பற்றி நேற்று ஒரு வாட்ஸ்அப் தகவல் ஒன்று வைரலாகப் பரவியது. அதில் ஸ்ரீதேவி அவருடைய அழகைப் பாதுகாக்க வேண்டும் என்பதற்காக செய்து கொண்ட சில உடல் உறுப்பு சிகிச்சைகள்தான் அவருடைய உயிருக்கு ஆபத்தை ஏற்படுத்தியுள்ளது என்று குறிப்பிடப்பட்டிருந்தது. அந்தத் தகவலைப் பலரும் ஷேர் செய்தனர்.

ஸ்ரீதேவி அவருடைய அழகுக்காக மூக்கு சர்ஜரி மட்டும் செய்து கொண்டார் என்பது அவருடைய பழைய புகைப்படங்களைப் பார்ப்பது நன்றாகவே தெரியும். அவர் மேலும் மார்பக சிகிச்சை செய்து கொண்டார் என்றும், சமீபத்தில் உதட்டில் கூட சிகிச்சை செய்து கொண்டார் என்றும் பல்வேறு வதந்திகள் பரவியிருந்தன.

அழகுக்காக சில சிகிச்சைகள் செய்து கொள்வது சிலரது உடலுக்கு ஆபத்தை விளைவிக்கவும் வாய்ப்புகள் உள்ளது என்றும் மருத்துவர்கள் கூறுகிறார்கள். ஆனால், ஸ்ரீதேவி அவருடைய உடல்நலம் குறித்து மிகவும் கவனமாக இருப்பவர். அவருக்கு இப்படி ஒரு திடீர் மரணம் ஏற்பட்டது எதிர்பாராத ஒன்று என்று அவருக்கு நெருக்கமானவர்கள் கருதுகிறார்கள்.

• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்
• 
  தமிழில் ஒளிபரப்பாகும் சன்னி லியோனின் ‛ஸ்ப்ளிட்ஸ்வில்லா எக்ஸ்' ...
• 
  ஏ.ஆர்.முருகதாஸ் - சல்மான்கான் படத்தின் தலைப்பு வெளியானது

• 
  மோகனுக்காக 7 முறை மாற்றப்பட்ட கதை
• 
  'தண்டுபால்யா' பாணியில் உருவாகும் 'தண்டுபாளையம்'
• 
  விவாகரத்து வழக்கு: தனுஷ், ஐஸ்வர்யா நேரில் ஆஜராக கோர்ட் உத்தரவு
• 
  ரஜினி 171வது படத்தில் நாகார்ஜுனா?
• 
  ஷங்கர் இல்லத் திருமண விழாவில் சங்கீதா விஜய்