விஜய் படப்பிடிப்புக்கு மாணவர்கள் எதிர்ப்பு

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

18 பிப், 2018 - 13:18 IST

எழுத்தின் அளவு:

students-opposes-vijay-movie-shooting-in-college-campus

விஜய் தற்போது ஏ.ஆர்.முருகதாஸ் இயக்கத்தில் உருவாகி வரும் அவரது 62வது படத்தில் நடித்து வருகிறார். இதன் படப்பிடிப்புகள் சென்னையின் பல்வேறு இடங்களில் நடந்து வருகிறது. பூந்தமல்லி நெடுஞ்சாலையில் உள்ள பச்சையப்பன் கல்லூரியில் படப்பிடிப்பு நடத்த படப்பிடிப்பு குழுவினர் அனுமதி பெற்றிருந்தனர். இதனால் நேற்று அங்கு விஜய் நடித்த காட்சிகள் படமாக்கப்பட்டது.

விஜய் கல்லூரி வளாகத்திற்கு வந்திருக்கும் செய்தி மாணவர்களிடையே பரவியதும். மாணவர்கள் வகுப்பறைகளை விட்டு வெளியேறி படப்பிடிப்பை வேடிக்கை பார்க்க சென்று விட்டனர். இதனால் ஆசிரியர்களால் பாடம் நடத்த முடியவில்லை. இது தொடர்பாக ஆசிரியர்களும், மாணவர்களும் கல்லூரி முதல்வரிடம் புகார் கூறியுள்ளனர். இதைத் தொடர்ந்து படப்பிடிப்பு குழுவினரை தொடர்பு கொண்ட கல்லூரி முதல்வர் "கல்லூரி நேரம் முடிந்ததும் படப்பிடிப்பு வைத்துக் கொள்ளுங்கள், இப்போது நடத்தினால் மாணவர்களின் படிப்பு பாதிக்கிறது" என்று கூறினார். இதைத் தொடர்ந்து படப்பிடிப்பு நிறுத்தப்பட்டது.

பின்னர் கல்லூரி நேரம் முடிந்து மாணவர்கள் அனைவரும் வெளியேறிய பிறகு படப்பிடிப்பு தொடர்ந்து நடந்தது. இனி பச்சையப்பன் கல்லூரியில் எந்த படப்பிடிப்பு நடத்தவும் அனுமதிக்க கூடாது என்று மாணவர்களும், ஆசிரியர்களும் கூறியதை முதல்வர் ஏற்றுக் கொண்டதாக கூறப்படுகிறது.

vijay

62 nd movie

college stuidents

விஜய்

62வது படம்

கல்லூரி மாணவர்கள்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய