தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
பொதுவாக இயக்குனர் பாலா மீது ஒரு கருத்து உண்டு. அவர் நல்ல படம் எடுப்பார், படம் விருதுகள் பல வாங்கும், பரபரப்பாக பேசப்படும். ஆனால் தயாரிப்பாளர்களுக்கு அந்தப் படத்தால் எந்த பயனும் இருக்காது என்பார்கள். அதனால் பி.ஸ்டூடியோ என்ற பெயரில் தானே சொந்தமாக தயாரிப்பு நிறுவனம் தொடங்கி படம் எடுக்கத் தொடங்கினார். இணைத்தயாரிப்பாளர் என்று சிலரை கடைசி நேரத்தில் சேர்த்துக் கொள்வார்.
சமீபத்தில் அவர் இயக்கிய படங்கள் பெரிய வெற்றி பெறவில்லை. அதனால் இந்த முறை நாச்சியார் படத்தை வித்தியாசமான கோணத்தில் உருவாக்கினார். வருடக் கணக்கில் படம் எடுக்கும் பாலா இந்தமுறை குறுகிய கால தயாரிப்பாக நாச்சியாரை உருவாக்கினார். படம் குறித்து இதுவரை பொது வெளியில் விரிவாக பேசவில்லை. படத்தின் டீசர் குறித்து சர்ச்சைகள் வந்தபோதுகூட அதற்கு மறுப்போ விளக்கமோ தரவில்லை. சத்தமின்றி ஒரு வெற்றி தர வேண்டும் என்பதே அவரது குறிக்கோளாக இருக்கிறது.
நாளை நாச்சியார் படம் வெளிவருகிறது. முதல் டீசரில் ஜோதிகாவை ஒரு கெட்டவார்த்தை பேச வைத்து சர்ச்சையை உண்டாக்கியவர், இப்போது இந்து, முஸ்லிம், கிருஸ்தவம், பவுத்தம் என 4 மத வழிபாட்டை காட்டிவிட்டு இறுதியில் ஜோதிகா "கோவிலா இருந்தாலும் குப்பை மேடா இருந்தாலும் உங்களுக்கு....." என்றபடி விரலை ஆட்டுகிறார். ஒரு சேரிப்பகுதியில் நடக்கும் பாலியல் தொடர்பான க்ரைம் பற்றி போலீஸ் அதிகாரியான ஜோதிகா துணிந்து துப்பறிகிற படம் என்பதே இதுவரை படத்தை பற்றி டிரைலர் உணர வைத்திருக்கிறது. படத்தின் நோக்கமும், பாலாவின் நோக்கமும் நாளை தெரிந்து விடும்.