'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
அரசியல் களம் காண உள்ள நடிகர் கமல்ஹாசன் சினிமாவிற்கு குட்-பை சொல்லிவிட்டு, முழுநேர அரசியல்வாதியாக மாற உள்ளார். வருகிற பிப்., 21-ம் தேதி தனது அரசியல் பயணத்தை ராமநாதபுரம் மாவட்டத்தில் துவங்குகிறார். தொடர்ந்து அன்றைய தினம் மதுரையில் முதல் மாநாடு நடக்க இருக்கிறது.
கமல்ஹாசன், தற்போது விஸ்வரூபம் 2, சபாஷ் நாயுடு ஆகிய படங்களில் நடித்து வருகிறார். இதில் விஸ்வரூபம் 2 படம் இறுதிக்கட்டத்தில் உள்ளது. சபாஷ் நாயுடு, பாதிக்கு மேல் முடிந்துள்ளது. இதுதவிர இந்தியன் 2 படத்திலும் நடிக்க உள்ளார். இதன் பிறகு கமல் நடிக்க மாட்டார் என தெரிகிறது.
அமெரிக்காவின் ஹார்வெர்டு பல்கலைக்கழகத்தில் அங்குள்ள தமிழர்களிடம் கமல் பேசும்போது, அரசியலில் ஈடுபடவுள்ளதால், படங்களில் நடிக்க நேரம் கிடைக்குமா தெரியவில்லை என குறிப்பிட்டார். மேலும் ஆங்கில டிவி சேனல் ஒன்றில், "வெளிவர இருக்கும் இரண்டு படங்களை தொடர்ந்து வேறு படங்களில் நடிக்க எண்ணமில்லை" என்று கூறியுள்ளார்.
இதன் மூலம், சினிமாவை விட்டு கமல் விலகுவார் என தெரிகிறது.