ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
இலங்கையில் உள்நாட்டு போர் தொடங்குவதற்கு முன்பு அங்கு தமிழ் படங்கள் தயாரிக்கப்பட்டு வந்தது. பைலட் பிரேம்நாத், போன்ற சில படங்கள் இலங்கை இந்தியா கூட்டுத் தயாரிப்பாகவும் வெளிவந்தது. ஆனால் கடந்த 40 ஆண்டுகளாக முறையான பொழுதுபோக்கு படங்கள் தயாரிக்கப்படவில்லை. தற்போது கோமாளி கிங்ஸ் என்ற படம் தயாரிக்கப்பட்டுள்ளது.
பிக்சர்ஸ் திஸ் புரொடெக்சன்ஸ் தயாரிப்பில் முழுக்க, முழுக்க இலங்கையில் வாழும் தமிழ்க் கலைஞர்களின் கூட்டணியில் உருவாகியிருக்கிறது. கிங் ரட்ணம் இயக்கியிருக்கிறார். இவர் இலங்கையின் மூத்த தமிழ்த் திரைப்பட கலைஞரான எம்.எஸ்.இரத்தினத்தின் பேரன். இந்தப் படத்தில் இயக்குநர் கிங் ரட்ணமே மிக முக்கியமான ஒரு கதாபாத்திரத்தை ஏற்று நடித்துள்ளார்.
சத்யப்பிரியா ரத்தினசாமி, மீனா தெய்வநாயகம், எனூச் அக்சய், ராஜ கணேசன், கமலஸ்ரீ மோகன், நிரஞ்சனி சண்முகராஜா மற்றும் பல இலங்கை, தமிழ் கலைஞர்களும் நடித்துள்ளனர். ஒளிப்பதிவாளராக மகிந்த அபேசிங்காவும், இசையமைப்பாளராக ஸ்ரீராம் சச்சியும் பணியாற்றி உள்ளனர்.
"லண்டனிலிருந்து உறவினரின் திருமணத்திற்காக தாயகம் திரும்பும் பத்மநாதன் குடும்பத்தாருக்கு இலங்கையில் ஏற்படும் எதிர்பாராத சில சம்பவங்களும், அதையொட்டி நடக்கும் விஷயங்களும் தான் படத்தின் திரைக்கதை. விரைவில் இலங்கை முழுவதும் திரையிடப்பட இருக்கிறது. இந்தியாவிலும் குறிப்பாக நம் தமிழகத்திலும் படத்தை வெளியிடுவதற்கான முயற்சில் ஈடுபட்டிருக்கிறோம்" என்கிறார் இயக்குநர் கிங் ரட்ணம்.