சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் | தேர்தல் விதி மீறல் : விஜய் மீது சென்னை கமிஷனர் அலுவலகத்தில் புகார் |
கடந்தாண்டு ஜல்லிக்கட்டு போராட்டம் நடந்தபோது, சேலம், அம்மாபேட்டையை சேர்ந்த யோகேஸ்வரன் என்ற வாலிபர் ரயிலில் ஏறி போராட்டம் செய்தபோது மின்சாரம் தாக்கி உயிரிழந்தார். இதையடுத்து அந்த குடும்பத்திற்கு உதவி செய்வதாக அறிவித்திருந்த லாரன்ஸ், ரூ.25 லட்சம் மதிப்புள்ள வீட்டை கட்டி கொடுத்து, யோகஸ்வரனின் நினைவுநாளான இன்று அதை அவர்களுக்கு அளித்தார். இன்று நடந்த கிரகப்பிரவேசம் நிகழ்ச்சியில் லாரன்ஸ் கலந்து கொண்டார்.
பின்னர் செய்தியாளர்களை சந்தித்த லாரன்ஸ், யோகேஸ்வரன் குடும்பத்தை பாதுகாப்பது ஒவ்வொரு தமிழனின் கடமை. யோகேஸ்வரன் தாய்க்கு வீடு கட்டிக் கொடுத்தது மன நிறைவை தருகிறது. அரசியலில் செய்ய வேண்டியதை நான் இப்போது செய்து வருகிறேன். நான் அரசியலுக்கு வர ஆசைப்படவில்லை. ரஜினியும், கமலும் அரசியலுக்கு வந்து நல்லது செய்ய வேண்டும் என நினைக்கிறார்கள். சுயநலம் இல்லாத நல்ல உள்நோக்கம் கொண்ட யார் வேண்டுமானாலும் அரசியலுக்கு வரலாம். அரசியலுக்கு வர எனக்கு பயமில்லை. ஆனால் என் அம்மா, என்னுடன் இருக்கும் குழந்தைகள் தற்போதைய அரசியல் சூழலை கண்டு பயப்படுகிறார்கள். என் தாய்க்கு அரசியல் பயம் போய், என்னை அரசியலுக்கு செல்ல அவர் சம்மதம் சொன்னால் அரசியலுக்கு வருவேன்.
இவ்வாறு லாரன்ஸ் கூறினார்.