இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
2001ம் ஆண்டு வெளிவந்த இஷ்டம் தெலுங்குப் படம் மூலம் நாயகியாக அறிமுகமானவர் ஸ்ரேயா. தமிழில் 2003ம் ஆண்டு வெளிவந்த எனக்கு 20 உனக்கு 18 படத்தின் மூலம் நாயகியாக அறிமுகமானார். அதன்பின்பு மழை படம் மூலம் ஹீரோயினாக நடித்தார்.
ரஜினிகாந்த் ஜோடியாக ஸ்ரேயா நடித்து 2007ல் வெளிவந்த சிவாஜி படம் மூலம் தமிழில் நம்பர் 1 நடிகையாக மாறுவார் என்று எதிர்பார்க்கப்பட்டார். ஆனால், இந்திரலோகத்தில் நா அழகப்பன் படத்தில் வடிவேலுவுடன் ஜோடி சேர்ந்து ஒரே ஒரு பாடலுக்கு அவர் நடனமாடியது அவருக்கு நெகட்டிவ்வாக அமைந்தது. அவர் நடித்து பின்னர் வெளிவந்த படங்களும் வெற்றிப் படங்களாக அமையவில்லை. தொடர்ந்து முன்னணி ஹீரோக்கள் யாரும் ஸ்ரேயாவை அவர்களது படங்களில் நடிக்க ஒப்பந்தம் செய்யவில்லை. இதனால் தமிழ்ப் படங்களில் அவர் நடிப்பது மிகவும் குறைந்தது.
இருந்தாலும் தெலுங்கில் சில படங்களில் நடித்து வந்தார். அவர் நடித்துள்ள தெலுங்குப் படமான காயத்ரி விரைவில் வெளியாக உள்ளது. தமிழில் அரவிந்த்சாமி ஜோடியாக நடித்துள்ள நரகாசூரன் படமும் வர உள்ளது.
இதனிடையே, ஸ்ரேயாவுக்கும் அவருடைய ரஷ்ய காதலருக்கும் மார்ச் மாதம் திருமணம் நடைபெற உள்ளதாக டோலிவுட் வட்டாரங்களில் தகவல் பரவியுள்ளது. ஸ்ரேயா தற்போது அவரது வருங்கால கணவர் குடும்பத்தாரைச் சந்திக்க ரஷ்யா சென்றுள்ளாராம். நடிக்க வந்து 17 வருடங்கள் ஆகிவிட்டதால் திருமணம் செய்து கொண்டு செட்டில் ஆக ஸ்ரேயா விரும்புகிறார் என்கிறார்கள்.