Dinamalar

விஜய்யின் 63வது படம் யாருக்கு ?

மெர்சல் படத்திற்குப் பிறகு விஜய்யின் இமேஜும், மார்க்கெட்டும் உயர்ந்துள்ளது. அவரை கதாநாயகனாக வைத்து படம் இயக்கவும், தயாரிக்கவும் கடுமையான போட்டி எழுந்துள்ளது. விஜய் தற்போது ஏ.ஆர்.முருகதாஸ் இயக்கும் படத்தில் நடித்து வருகிறார். இப்படம் விஜய்யின் 62வது படம். இந்தப் படத்தையடுத்து விஜய்யின் 63வது படத்தை யார் இயக்கப் போகிறார்கள், தயாரிக்கப் போகிறார்கள் என்பது குறித்து திரையுலகில் பல்வேறு தகவல்கள் வெளியாகியுள்ளன.

விஜய் நடித்த பல சூப்பர் ஹிட் படங்களைத் தயாரித்து, அவருக்கு ஒரு வளர்ச்சியை ஏற்படுத்திக் கொடுத்த சூப்பர் குட் பிலிம்ஸ் நிறுவனத்தில் அடுத்து விஜய் நடிக்கப் போகிறார் என்று ஒரு தகவல் கடந்த சில வாரங்களாக ஓடிக் கொண்டிருக்கிறது. அந்நிறுவனத்தின் தயாரிப்பில் விஜய் நடித்த ஜில்லா படம் வந்து நான்கு ஆண்டுகளாகிவிட்டது.

மற்றொரு தகவலாக மெர்சல் படத்தைத் தயாரித்த தேனாண்டாள் ஸ்டுடியோஸ் நிறுவனத்திற்காகத்தான் விஜய் நடிக்கப் போகிறார் என்கிறார்கள். மெர்சல் படம் வெளிவந்து 200 கோடியைக் கடந்தாலும் படத்தின் தயாரிப்பாளர்கள் கடுமையான சிக்கலையும், சோதனைகளையும் பட வெளியீட்டின் போது சந்தித்தார்கள். அதை அவர்கள் சமாளித்து படத்தைக் காப்பாற்றியதால் அவர்களுக்காக நடிப்பதுதான் சரி என விஜய் நினைக்கிறாராம்.

தற்போது புதிய தகவலாக விஜய் நடித்து 1997ம் ஆண்டு வெளிவந்த காதலுக்கு மரியாதை படத்தைத் தயாரித்த சீனியர் தயாரிப்பாளரான சங்கிலி முருகன் தயாரிப்பில் விஜய் நடிக்கப் போகிறார் என்றும் பேச்சு பரவியுள்ளது. இந்தப் படத்தை தீரன் அதிகாரம் ஒன்று படத்தை இயக்கிய வினோத் இயக்க உள்ளாராம்.

விஜய்யை சமீபத்தில் இயக்குனர்கள் மோகன்ராஜா, வினோத் ஆகியோர் சந்தித்துப் பேசியுள்ளார்கள். தெறி, மெர்சல் என இரண்டு ஹிட்டுகளைக் கொடுத்தால் அட்லீயும் விஜய்யின் அபிமான இயக்குனர்கள் பட்டியலில் இணைந்துவிட்டார். இந்த மூவரில் யாருக்கு விஜய் 63 கிடைக்கப் போகிறது என்பது விரைவில் தெரிந்துவிடும்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்