டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
சமுத்திரக்கனி இயக்கத்தில் சசிகுமார், அஞ்சலி, அதுல்யா ரவி மற்றும் பலர் நடிக்கும் 'நாடோடிகள் 2' படத்தின் படப்பிடிப்பு கடந்த வாரம் ஆரம்பமானது. தற்போது மதுரையில் இப்படத்தின் படப்பிடிப்பு நடந்து வருகிறது.
முதல் பாகமான 'நாடோடிகள்' படத்தின் தொடர்ச்சியாக இந்த 'நாடோடிகள் 2' இருக்கப் போவதில்லையாம். முற்றிலும் வேறு கதையாக இப்படத்தை எடுக்க உள்ளார்கள் என்று தகவல் வெளியாகியுள்ளது. முதல் பாகம் பெரிய வெற்றியைப் பெற்றுள்ளதால் மட்டுமே அந்தப் பெயரை இரண்டாம் பாகத்திற்கும் பயன்படுத்துகிறார்களாம்.
முதல் பாகத்தில் சசிகுமார், விஜய் வசந்த், பரணி ஆகியோர் நெருங்கிய நண்பர்களாக இருப்பார்கள். சசிகுமாரின் நண்பன் ஒருவனின் காதலுக்காக உதவப் போய் சசிகுமார், விஜய் வசந்த், பரணி ஆகியோர் பாதிக்கப்பட்டு, பிரச்சினைகளில் சிக்கி, அதிலிருந்து எப்படி வெளிவருகிறார்கள் என்பது படத்தின் கதை.
'என் நண்பனின் நண்பன் எனக்கும் நண்பனே ' என்ற கேப்ஷனுடன் 2009ம் ஆண்டு வெளிவந்த 'நாடோடிகள்' படம் இளைஞர்களிடம் பெரிய வரவேற்பைப் பெற்று வசூல் ரீதியாகவும் பெரிய படமாக அமைந்தது. தற்போது தயாராகி வரும் இரண்டாம் பாகத்தில் சசிகுமாரின் நண்பராக முதல் பாகத்தில் இடம் பெற்ற பரணி மட்டுமே நடிக்கிறார்.
பிக் பாஸ் நிகழ்ச்சியில் பரபரப்பாகப் பேசப்பட்ட பரணிக்கு இப்போதுதான் மீண்டும் ஒரு நல்ல வாய்ப்பு கிடைத்துள்ளது. முதல் பாகத்தில் நண்பனாக இருந்த விஜய் வசந்த் இரண்டாம் பாகத்தில் இடம் பெறவில்லை. முதல் பாகத்தில் பிளக்ஸ் பேனர் வைத்து காமெடியில் கலக்கிய நமோ நாராயணன் இரண்டாம் பாகத்திலும் நடிக்கிறார். சசிகுமாரின் ஜோடியாக முதல் முறையாக அஞ்சலி, அதுல்யா நடிக்கிறார்கள்.
இடைவிடாமல் படப்பிடிப்பை நடத்தி கோடை விடுமுறையில் படத்தை வெளியிட திட்டமிட்டுள்ளார்களாம்.