Dinamalar

ரகுவரன் இசையமைத்துப் பாடிய பாடல்களை வெளியிட்ட ரஜினிகாந்த்

நடிகர் ரகுவரன், தமிழ்த் திரையுலகத்தில் மறக்க முடியாத ஒரு நடிகர். 1982ம் ஆண்டு வெளிவந்த ஏழாவது மனிதன் திரைப்படத்தில் நாயகனாக அறிமுகமானார். தொடர்ந்து சில படங்களில் நாயகனாக நடித்தாலும், வில்லனாக நடிக்க ஆரம்பித்த பின் அனைத்து ரசிகர்களிடத்திலும் சென்று சேர்ந்தார்.

“மிஸ்டர் பாரத், மனிதன், பூவிழி வாசலிலே, அஞ்சலி, பாட்ஷா, அருணாச்சலம்” என அவர் நடித்த பல படங்களைப் பற்றியும், அவரது கதாபாத்திரங்களைப் பற்றியும், நடிப்பைப் பற்றியும் சொல்லிக் கொண்டே போகலாம். உடல்நலக் குறைவு காரணமா பத்து வருடங்களுக்கு முன்பு 2008ம் ஆண்டு மரணம் அடைந்தார்.

ரகுவரன் சிறந்த இசைக் கலைஞர் என்பது பலருக்கும் தெரியாது. லண்டன் டிரினிட்டி இசைக் கல்லூரியில் பியானோவில் தேர்ச்சி பெற்றவர். இசை மீது அவருக்குள்ள ஆர்வத்தால் அவர் 30க்கும் மேற்பட்ட பாடல்களை இசையமைத்துப் பாடி வைத்துள்ளார். அவற்றை ரகுவரனின் மனைவி நடிகை ரோகிணி, மகன் ரிஷிவரன் ஒரு இசை ஆல்பமாகத் தொகுத்துள்ளார்கள்.

ரகுவரன் - எ மியூசிக்கல் ஜர்னி எனப் பெயரிடப்பட்டுள்ள அந்த ஆல்பத்தை நடிகர் ரஜினிகாந்த் வெளியிட்டுள்ளார். அந்த ஆல்பத்தில் 5 பாடல்களும், ஒரு தீம் மியுசிக்கும் இடம் பெற்றுள்ளது.

ரகுவரனுக்குள் இப்படி ஒரு இசைத் திறமை இருந்துள்ளது என்பது அந்தப் பாடலைக் கேட்கும் அனைவருக்கும் ஆச்சரியமாகவே இருக்கும். ஒரு சிறந்த கலைஞரை தமிழ் சினிமா சீக்கிரமே இழந்துவிட்டது.

RAGHUVARAN - A Musical Journey - Link : https://youtu.be/NaFf03IIZ9g

• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...

• 
  ரச்சிதா பிறந்தநாளில் வெளியான ‛பயர்' முன்னோட்ட வீடியோ
• 
  மே 3ல் ரிலீஸாகும் ‛குரங்கு பெடல்'
• 
  அஜித்துக்காக உருவாக்கப்பட்ட டைட்டிலில் அருண் விஜய்
• 
  பவன் கல்யாண் எத்தனை கார்கள் வைத்திருக்கிறார் தெரியுமா ?
• 
  இயக்குனர் சேரனின் மூத்த மகளுக்கு திருமணம்