ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
சர்ச்சை இயக்குனர் ராம்கோபால் வர்மா இயக்கியுள்ள குறும் படம் கடவுள் செக்ஸ் உண்மை. இந்த படத்தில் ஹாலிவுட் நடிகை மியா மால்கோவா நடித்துள்ளார். அடல்ட் கதையில் உருவாகியுள்ள இந்த படத்தின் மேக்கிங் வீடியோ வெளியானதில் இருந்தே அப்படத்திற்கு எதிர்ப்புகள் எழுந்து வந்தன. குறிப்பாக பெண் சமூக ஆர்வலர்கள், ஆபாச பட மெடுத்து சமூகத்தை கெடுக்கிறார் ராம்கோபால்வர்மா என்று அவர் மீது போலீசில் புகார் அளித்துள்ளனர்.
மேலும், இப்படம் அடல்ட் ஒன்லி படமாக இருந்தபோதும் ஒவ்வொரு வரும் பார்க்க வேண்டிய படம் என்று கூறி வரும் ராம்கோபால் வர்மா, கடவுள் செக்ஸ் உண்மை படத்தை இணையதளத்தில் வெளியிட்டிருக்கிறார். இந்த நேரத்தில் அவர் மீது தற்போது இன்னொரு சர்ச்சை எழுந்திருக்கிறது.
அதாவது, ஜெயக்குமார் என்ற எழுத்தாளர், ராம்கோபால் வர்மா இயக்கி வெளியிட்டுள்ள கடவுள் செக்ஸ் உண்மை படத்தின் கதை என்னுடையது என்று உரிமை கோரியுள்ளார். இவர் ராம்கோபால்வர்மாவிடம் உதவியாளராக பணியாற்றியவராம். அந்த சமயத்தில் அவர் ராம்கோபால் வர்மாவிடம் சொன்ன கதையை திருடித்தான் இப்போது படம் இயக்கி விட்டாராம். ஆனால் ஜெயக்குமார் கடவுள் செக்ஸ் உண்மை படத்தின் கதை என்னுடையது என்று சொந்தம் கொண்டாடியபோதும், அவரது குற்றச்சாட்டுக்கு தொடர்ந்து எதிர்ப்பு தெரிவித்து வருகிறார்.
ஆக, சர்ச்சை படம் இயக்கி இப்போது கதை சர்ச்சையிலும் சிக்கியிருக்கிறார் சர்ச்சை இயக்குனர் ராம்கோபால்வர்மா.