Dinamalar

என் வார்த்தையை திரித்து பரப்பிவிட்டார்கள் : வைரமுத்து

ஆண்டாள் தொடர்பாக சர்ச்சைக்குரிய கருத்து தெரிவித்த பாடலாசிரியர் வைரமுத்துவிற்கு தமிழகம் முழுக்க கடும் கண்டனங்கள் எழுந்தன. தொடர்ந்து அவருக்கு எதிர்ப்பு வலுத்து வருகிறதுன, பல இடங்களில் போராட்டங்கள் நடைபெற்று வருகின்றன. பல இடங்களில் வைரமுத்து மீது போலீசில் புகார் அளிக்கப்பட்டுள்ளது. இந்நிலையில் இப்பிரச்னை தொடர்பாக வைரமுத்து தன் தரப்பு விளக்கத்தை அளித்து வீடியோ ஒன்றை வெளியிட்டுள்ளார். அதில் அவர் கூறியிருப்பதாவது...

கடந்த 10 நாட்களாக மூர்ச்சையுற்று கிடக்கிறேன். ஆண்டாள் புகழ் பாட நான் ஆசைப்பட்டது தவறா. ஆண்டாள் குறித்த ஆராய்ச்சி கட்டுரைகளை 3 மாதங்கள் ஆராய்ச்சி செய்தேன். தமிழுக்கு தடம் சமைத்தவர்களை இளம் தலைமுறையினர் புரிந்து கொள்ளவே எழுதினேன். சமய, சமூகவியல் பார்வை உடையவள் ஆண்டாள். தமிழ் வெளியில் எழுத முதல் பெண் விடுதலை குரல் ஆண்டாள் உடையது.

ஆண்டாளை பற்றி பாட பாட பக்தி இல்லாத எனக்கு சக்தி பிறக்கிறது, தமிழ் பிறக்கிறது. ஆண்டாள் பற்றி நான் பேசியது என் கருத்து இல்லை. சமூகவியல் பார்வையில் பேராசிரியர் நாராயணன், கேசவன் கூறிய வார்த்தையை மேற்கோள் காட்டினேன். தேவதாசி என்ற வார்த்தை உயர்ந்த குல பெண்களுக்கு வழங்கப்பட்ட சொல்.

ஆண்டாள் எனக்கும் தாய், அவர் தமிழச்சி, எனக்கு தாய்பால் ஊட்டிய அங்கம்மாள் என்னை பெற்ற தாய், எனக்கு தமிழ்பால் ஊட்டிய ஆண்டாள், நான் கற்ற தாய். அப்படிப்பட்டவரை நான் இழிவுப்படுத்துவேனோ, என்னை சந்தேகப்படலாமா. தேவசாசி என்று நான் கூறிய வார்த்தை திரிக்கப்பட்டு வேறு விதமாக பரப்பி விடப்பட்டுள்ளது. மதம் கலந்த அரசியலுக்காகவோ, அரசியல் கலந்த மதத்திற்காகவோ யாரோ சிலர் என் கருத்தை திரித்து கூறிவிட்டனர்.

இப்படிப்பட்ட கூட்டத்தில் நான் தமிழ் வளர்க்க வேண்டுமே என எண்ணி வெட்கப்படுகிறேன். இது எந்த வகையில் நியாயம். இந்த விளக்கத்தை ஏற்றுக்கொண்டால் ஆண்டாளையும் புரிந்து கொள்வீர்கள், வைரமுத்துவையும் புரிந்து கொள்வீர்கள்.

தமிழரின் மனம் புண்பட்டுவிடக்கூடாது என்பதற்காகத்தான் வருத்தம் தெரிவித்தேன். ஆனால் அப்படி இருந்தும் திரித்து பரப்புகிறார்கள். இனகலவரத்தை, மதக்கலவரத்தை தூண்ட பார்க்கிறார்கள். தமிழ் சமூகம் நீ ஞானசமூகம், புரிந்து கொள்வாய். நன்றி

இவ்வாறு வைரமுத்து கூறியுள்ளார்.

• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா
• 
  ஜெகபதி பாபுவிற்கு சல்மான்கான் சொன்ன அட்வைஸ்
• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்

• 
  தக் லைப் படத்தின் மூலம் இணையும் சிம்பு, துல்கர் சல்மான், ஜெயம் ரவி
• 
  ரீ-ரிலீஸ் ஆகும் ராவணன்
• 
  ரஜினி மகளாக நடிக்கும் ஸ்ருதிஹாசன்
• 
  ஸ்ரீவள்ளி 2.0 ஆக என்னை பார்ப்பீர்கள் : ராஷ்மிகா நம்பிக்கை
• 
  எழுத்தாளரான இயக்குனர்