சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு | விஜய் சேதுபதிக்கு வில்லனாகும் நாசர் | கிரிக்கெட் பின்னணி கதையில் விஜய் மகன் | சிஎஸ்கே வீரருடன் சீரியல் நடிகைக்கு காதலா? - நடிகையே சொன்ன உண்மை | பணத்திற்காக அட்ஜெஸ்ட்மெண்ட்? - ஆர்த்திகா அளித்த அதிரடி பேட்டி |
விகாஸ் பாஹ்ல் இயக்கத்தில் கங்கனா ரனவத் நடித்து 2014ம் ஆண்டு வெளிவந்து பெரும் வரவேற்பையும், வசூலையும் பெற்ற படம் 'குயின்'. இப்படத்தின் தென்னிந்திய மொழிகளான தெலுங்கு, தமிழ், கன்னடம், மலையாளம் ஆகிய படங்களின் படப்பிடிப்பு சில மாதங்களுக்கு முன்பு ஆரம்பமாகி நடந்து வருகின்றன. பிரான்ஸ் நாட்டிலும் சுமார் 50 நாட்கள் படப்பிடிப்பு நடைபெற்றது.
தெலுங்கு, மலையாளம் ஆகிய மொழிப் படங்களை தெலுங்கு இயக்குனர் நீலகண்டா, தமிழ், கன்னட மொழிப் படங்களை நடிகர் ரமேஷ் அரவிந்த் இயக்கி வருகிறார்கள். தெலுங்கில் தமன்னா கதாநாயகியாகவும், கன்னடத்தில் பருல் யாதவ், தமிழில் காஜல் அகர்வால், மலையாளத்தில் மஞ்சிமா மோகன் கதாநாயகியாகவும் நடிக்கிறார்கள்.
இதனிடையே, தெலுங்கு, மலையாளப் படங்களை இயக்கி வந்த நீலகண்டா, தெலுங்கு மொழிப் படத்தை இயக்குவதை விட்டு விலகிவிட்டதாக செய்திகள் வெளியாகியுள்ளன. தமன்னா உடன் ஏற்பட்ட கருத்து வேறுபாடு காரணமாக அவர் படத்தை தொடர்ந்து இயக்க முடியாது என தெரிவித்தார் என்கிறார்கள்.
இந்த விவகாரம் டோலிவுட்டில் புகைச்சலைக் கிளப்பியது. ஆனால், தமன்னா, அவருக்கும், இயக்குனருக்கும் எந்தப் பிரச்சனையில்லை, அவர் மீது மிகுந்த மரியாதை வைத்துள்ளேன் என்று தெரிவித்துள்ளார். உண்மையில் என்ன நடந்தது என்பது பற்றி தயாரிப்பாளர் தரப்பில் தெரிவிக்காதவரை பல வித செய்திகள் வெளிவந்து கொண்டிருக்கும்.