பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
பொங்கலுக்கு வெளிவந்த மூன்று படங்களின் உண்மையான நிலவரம் என்ன என்பது இன்று தான் தெரியும். கடந்த ஐந்து நாட்களாகவே விடுமுறை என்பதால் பொழுது போக்கிற்காக தியேட்டர்களுக்குச் சென்றவர்கள் நிறைய பேர். அதனால் தான், மூன்று படங்களைப் பற்றியும் கருத்துகள் பல்வேறு விதமாக இருந்தாலும் பல தியேட்டர்களில் கணிசமாக டிக்கெட்டுகள் விற்றுள்ளன.
இதனிடையே, தெலுங்கில் வெளியான 'அஞ்ஞாதவாசி, ஜெய் சிம்ஹா' ஆகிய நேரடிப் படங்களுடன் சூர்யா நடித்த 'தானா சேர்ந்த கூட்டம்' படம் தெலுங்கில் 'கேங்' என்ற பெயரில் டப்பிங் செய்யப்பட்டு வெளியானது. படத்திற்கு நல்ல வரவேற்பு இருப்பதாகவும், ஆனால், வசூல் குறைவாக இருப்பதாகவும் டோலிவுட் வட்டாரங்களில் இருந்து சூர்யாவுக்குத் தகவல் போனது.
உடனடியாக படத்தின் பிரமோஷனுக்காக ஆந்திரா, தெலுங்கானாவில் உள்ள ஐதராபாத், ராஜமுந்திரி, பீமாவரம், எலுரு, விஜயவாடா, ஓங்கோல் உள்ளிட்ட சில ஊர்களில் உள்ள தியேட்டர்களுக்குச் சென்று ரசிகர்களைச் சந்தித்தார். ஒரு ஊரில் கேட்டை எகிறிக் குதித்து ரசிகர்களுடன் கைகுலுக்கினார். இதெல்லாம் தெலுங்கு மீடியாக்களில் செய்தியாக வந்து படத்தின் வசூலையும் எகிற வைத்துள்ளது. சூர்யாவின் பிரமோஷனுக்கு தியேட்டர்காரர்களும், வினியோகஸ்தர்களும் நன்றி தெரிவித்துள்ளார்கள்.
படம் வெளியான முதல் நாளை விட கடந்த இரண்டு நாட்களாக 'கேங்' படத்தின் வசூல் இரண்டு மடங்காகிவிட்டதாம். தெலுங்கில் 'கேங்' படம் லாபத்தைக் கொடுத்துவிடும் என டோலிவுட் வட்டாரங்கள் தெரிவிக்கின்றன.