இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
நடிகை ஹன்சிகா குலேபகாவலி படத்தில் நெகட்டிவ் கேரக்டரில் நடித்துள்ளார். இதில் அவர் திருடியாக நடித்துள்ளார். கே.ஜே.ஆர் ஸ்டுடியோஸ் சார்பாக கோட்டபாடி ராஜேஷ் தயாரிக்கும் படம் "குலேபகாவலி". இப்படத்தில் பிரபுதேவா, ஹன்சிகா, ரேவதி, ஆனந்த்ராஜ், முனிஸ்காந்த் ராமதாஸ், மன்சூர் அலிகான், "நான் கடவுள்" ராஜேந்திரன், மதுசூதனராவ், யோகிபாபு, சத்யன் மற்றும் பல முன்னணி நடிகர்கள் நடித்து, காமெடி த்ரில்லர் திரைப்படமாக நாளை பொங்கல் விருந்தாக வெளிவர இருக்கிறது. இதில் நடித்திருப்பது பற்றி ஹன்சிகா கூறியதாவது:
எங்கேயும் காதல் படத்திற்கு பிறகு பிரபுதேவா மாஸ்டருடன் இணைந்து பணியாற்றியிருக்கிறேன். அதில் அவர் என்னை இயக்கினார். இதில் என்னுடன் நடித்திருக்கிறார். இப்போதும் அதே எனர்ஜி குறையாமல் இருப்பது தான் அவரது ஸ்பெஷல். இது புதையலைத் தேடிச் செல்லும் கதை. கதை பற்றி இவ்வளவு தான் சொல்ல முடியும். நான் இதில் திருடியாக நடித்திருக்கிறேன். ரொம்ப சீரியசாக இல்லை. வேடிக்கையான, ஜாலியான கேரக்டர். முதல் தடவையாக நெகட்டிவ் ஷேட் உள்ள கேரக்டர்.
நான் எப்போதுமே பாசிட்டிவானவள். அதனால் எனது கேரக்டரும் பாசிட்டிவாகவே இருக்கும். எல்லா படங்களிலும் அழகை மட்டுமே நம்புவதாக கூறுவதை ஏற்க மாட்டேன். ரோமியோ ஜூலியட், போகன் போன்ற படங்களில் நடிப்பு திறமையை நிரூபித்திருக்கிறேன். என்னால் காமெடியும் செய்ய முடியும் என்பதை குலேபகாவலியில் காட்டியிருக்கிறேன். நடிப்புக்கு நல்ல ஸ்கோப் உள்ள படங்களை தேர்வு செய்து நடிக்கிறேன். குலேபகாவலிக்கு பிறகு அதர்வா, விக்ரம் பிரபு படங்களில் நடிக்கிறேன். அடுத்த படங்கள் பற்றிய அறிவிப்பு விரைவில் வரும். 2018 எனக்கு சிறப்பான ஆண்டாக அமையும் என்ற நம்பிக்கை இருக்கிறது. என்கிறார் ஹன்சிகா.