தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
ரஜினி அரசியலுக்கு லேட்; ஆனால் லேட்டஸ்ட்டாக வந்திருக்கிறார். கட்சியின் பெயர், கொள்கை, சின்னம், கொடியை அறிமுகம் செய்த பின் மற்ற அரசியல்வாதிகளுக்கு தலைசுற்றும், என, மதுரையில் ரஜினி ரசிகர் மன்ற விழாவில் நடிகர் ராகவா லாரன்ஸ் பேசினார்.
ரஜினி, டிச.,31ல் அரசியலில் இறங்குவதாக அறிவித்தார். ரஜினி மன்றம் என்ற பெயரில் இணையதளம், அலைபேசி செயலி உருவாக்கப்பட்டு உறுப்பினர்கள் சேர்க்கையும் நடக்கிறது. இந்த அறிவிப்புக்கு பிறகு மதுரை பொய்கைகரைப்பட்டியில் ரசிகர்கள் நடத்திய நலத்திட்ட உதவிகள் வழங்கும் விழாவில் ராகவா லாரன்ஸ் பேசியதாவது:
ரஜினி அரசியலுக்கு வருவதாக அறிவிப்பார் என நான் நினைத்துக் கூட பார்க்கவில்லை. வா தலைவா வா என ரஜினிக்காக ஒரு பாடலை வெளியிட்ட நான், அறிவிப்பு வந்த அன்று வீட்டுக்குள் குத்து டான்ஸ் ஆடினேன். வெளிப்படை அரசியல், சொன்னதை செய்யவில்லை என்றால் அரசியலில் இருந்து
விலகுவேன், தொண்டர்கள் தேவை இல்லை. காவலர்கள் தான் தேவை என ரஜினி கூறியதை பார்க்கும் போது இவர் சாதாரணமாக அரசியலில் ஈடுபடப் போவதில்லை.
ரஜினி கட்சியில் பதவி வேண்டாம். கடைசி வரை காவலனாக இருந்து அவர் கூறுவதை செய்வேன். மனிதனுக்கு உடம்பு நிரந்தரம் இல்லை. மனசாட்சி தான் என்றும் நிரந்தரம். அது தான் கடவுள் என அடிக்கடி ரஜினி கூறுவார். அதை தான் அவர் ஆன்மிக அரசியல் என்கிறார். மனசாட்சி கூறுவதை கேட்டு அரசியலில் ஈடுபடுவது மதவாத அரசியல் இல்லை.
ரஜினி அரசியலுக்கு லேட்; ஆனால் லேட்டஸ்ட்டாக வந்திருக்கிறார். மதுரை மண் எப்போதும் அரசியலுக்கு முக்கியத்தும் தரும் மண். அதனால் மதுரையில் பிரமாண்ட மாநாடு நடத்தி இங்கேயே கட்சி பெயர், சின்னம், கொடியை ரஜினி அறிமுகப்படுத்துவார் என்று நம்புகிறேன். அதை பார்த்து மற்றவர்களுக்கு தலை சுற்றப்போகிறது என்றார் ராகவா லாரன்ஸ்.