Dinamalar

ரஜினி, கமல், விஷாலின் அரசியல் வரவு நல்வரவாகட்டும் : சூர்யா வாழ்த்து

இன்றைய தேதியில் அரசியலுக்கு வரும் வாய்ப்புகள் பிரகாசமாக இருப்பது ரஜினி, கமல், விஷால் ஆகியோருக்கு தான். ரஜினியும், கமலும் உறுதியாக அறிவித்து விட்டார்கள். விஷால், ஆர்.கே.நகர் தேர்தல் மூலம் அரசியல் வெளிப்பாட்டை குறிப்பிட்டிருக்கிறார். இந்த நிலையில் இந்த மூவரின் அரசியல் வரவும் நல்வரவாகட்டும் என்று வாழ்த்தினார் சூர்யா.

சூர்யா, கீர்த்தி சுரேஷ் நடித்துள்ள, தானா சேர்ந்த கூட்டம் வருகிற பொங்கல் பண்டிகையையொட்டி 12ந் தேதி வெளிவருகிறது. அனிருத் இசை அமைத்துள்ளார், விக்னேஷ் சிவன் இயக்கி உள்ளார். படத்தின் அறிமுக நிகழ்ச்சி நேற்று நடந்தது இதில் கலந்து கொண்டு சூர்யா பேசியதாவது:

இப்போதெல்லாம் வருடத்திற்கு ஒரு படம் தான் பண்ண முடிகிறது. அந்த அளவிற்கு ஒவ்வொரு படத்திற்கும் மெனக்கெட வேண்டியது இருக்கிறது. இந்த நேரத்தில் அரசியலில் தங்கள் பயணத்தை தொடங்கியிருக்கும் ரஜினி சார், கமல் சார், விஷாலின் வரவு நல்வரவாகட்டும் என்று எனது வாழ்த்துக்களை தெரிவித்துக் கொள்கிறேன். எங்கள் அனைவரின் ஆதரவும் அவர்களுக்கு உண்டு.

என்னுடைய வாழ்கைக்கு ஒவ்வொரு தயாரிப்பாளரும் முக்கியமோ, அதில் பணிபுரிந்த அனைத்து தொழில்நுட்ப கலைஞர்கள் முக்கியம். அதனால் நிறைய நல்ல படங்களை கொடுக்க முடிந்துள்ளது என்று தைரியமாக சொல்ல முடியும். அதற்கு பல தயாரிப்பாளர்கள், இயக்குநர்கள் காரணமாக இருந்துள்ளனர். ரசிகர்கள் நிச்சயமாக முக்கிய காரணமாக இருந்துள்ளனர். ஆனால் இன்னும் ஆதரவாக இருந்தது ஞானவேல் தம்பி. என்னுடைய வாழ்க்கையில் நல்ல முடிவுகளை தேர்ந்தெடுத்து என்ன பண்ண வேண்டும் என்று அறிவுரை கூறுவார். எனக்கு அறிமுகம் கிடைத்த சில இயக்குநர்கள் எடுத்த முடிவுகள் என்னுடைய வாழ்கையில் முக்கியமாக அமைத்துள்ளது.

தானா சேர்ந்த கூட்டம் 1987-ல் நடந்த உண்மை சம்பவத்தை அடிப்படையாக கொண்டு எடுக்கப்பட்டது என்றாலும் முற்றிலும் வேறு ஒரு பாதையில் கதை செல்கிறது. 7 வருடங்களுக்கு பிறகு பண்டிகை தினத்தன்று படம் வருவது மகிழ்ச்சியாக உள்ளது. எல்லா படங்களிலும் தொடக்கத்தில் வரும் புகை பிடிக்காதீர், மது அருந்தாதீர் போன்ற டிஸ்க்ளைம்பர் கார்டு இந்தப் படத்தில் வராது அப்படி ஒரு படத்தை எடுத்துள்ளார். அதற்கு சென்சார் அதிகாரிகள் பாராட்டியுள்ளனர் என்றார் சூர்யா.

விழாவில் இயக்குனர் விக்னேஷ் சிவன், நடிகை கீர்த்தி சுரேஷ், நடிகர்கள் தம்பி ராமய்யா, சுரேஷ் மேனன், தயாரிப்பாளர் ஞானவேல்ராஜா, ஒளிப்பதிவாளர் தினேஷ் கிருஷ்ணன் உள்பட பலர் கலந்து கொண்டனர்.

• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்
• 
  தமிழில் ஒளிபரப்பாகும் சன்னி லியோனின் ‛ஸ்ப்ளிட்ஸ்வில்லா எக்ஸ்' ...
• 
  ஏ.ஆர்.முருகதாஸ் - சல்மான்கான் படத்தின் தலைப்பு வெளியானது

• 
  தேர்தல் இருந்தால் என்ன? - வருகிறது புதிய படங்கள்…!
• 
  புதிய சாதனை படைத்த 'விசில் போடு'
• 
  விஷாலின் ‛ரத்னம்' டிரைலர் வெளியீடு : ஆக்ஷன் ‛ஓகே'... எதற்காக அந்த ...
• 
  கோட் பாடல்... ஆரம்பித்தது சர்ச்சை : விஜய் மீது டிஜிபி அலுவலகத்தில் புகார்
• 
  லாரன்ஸின் ‛ஹண்டர்' படத்தில் முக்கிய வேடத்தில் நடிக்கும் புலி