Dinamalar

2018-லும் தொடரும் பேய் படங்கள் : நாளை 4 படங்கள் ரிலீஸ்

கடந்த ஆண்டு வெளியான படங்களில் பேய் படங்கள் மட்டும் சுமார் 40 படங்கள். இந்த ஆண்டும் பேய் படங்களின் ஆதிக்கம் தொடருகிறது. கடந்த வாரம் டிசம்பர் 29ம் தேதி பலூன், சங்குச்சக்கரம் என்ற இரண்டு பேய் படங்கள் வெளிவந்து ஆண்டு கணக்கை முடித்து வைத்தது. 2018ம் ஆண்டின் முதல் வெள்ளிக்கிழமையான நாளை 4 பேய் படங்கள் வெளிவந்து இந்த ஆண்டுக்கான பேய் கணக்கை துவக்கி வைக்கிறது.

நாளை வெளிவரும் படங்களில் பார்க்க தோணுதே என்ற படத்தில் கிராமத்து பேய் வருகிறது. காதலிக்கு பேய் பிடித்து விட அதை காதலன் எப்படி கையாள்கிறான் என்கிற கதை. ஓநாய்கள் ஜாக்கிரதை என்ற படத்தில் சொந்த அக்கா மகளையே கடத்தி கொல்லும் ஹீரோவை கொல்லப்பட்ட அக்கா மகள் பேயாக வந்து பழிவாங்குகிற கதை.

புதியவர்கள் உருவாக்கி உள்ள டிசம்பர் 13 என்ற படமும் பேய்படம்தான். டிசம்பர் 13ந் தேதி கொல்லப்பட்ட ஒரு பெண் அதே தேதியில் ஆவியாகி வில்லன்களை பழிவாங்கும் கதை. இது தவிர லாஸ்ட் கீ என்ற ஹாலிவுட் பேய் படம், கதவை திற பேய் வரட்டும் என்ற ஸ்லோகத்தோடு வருகிறது. இது இன்ஸிடியஸ் என்ற பேய் படத்தின் 4ம் பாகம். கான்ஜூரிங், அன்னபெல்லா பாணியிலான பேய் படம். இதைத் தொடர்ந்து அடுத்தடுத்த வாரங்களில் பயமுறுத்த பேய் படங்கள் வரிசை கட்டி நிற்கின்றன.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்
• 
  விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் ...