டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
சிவகார்த்திகேயன், நயன்தாரா நடித்த வேலைக்காரன் படம் சமீபத்தில் வெளிவந்தது. காமெடியாக நடித்து வந்த சிவகார்த்திகேயன், இந்தப்படத்தில் சீரியசாக நடித்திருந்தார். படம் பற்றியும், புத்தாண்டு வாழ்த்து தெரிவித்தும், சிவகார்த்திகேயன் தனது டுவிட்டரில் ஒரு வீடியோ பதிவை வெளியிட்டுள்ளார். அதில் அவர் கூறியிருப்பதாவது...
வேலைக்காரன் படத்திற்கு மிகப்பெரிய வரவேற்பு கொடுத்ததற்கு நன்றி. நல்ல விஷயத்தை உங்களிடம் கொண்டு வந்து சேர்க்க வேண்டும் என்பது தான், மொத்த படக்குழுவினருடைய ஆசை. அதை கிளைமாக்ஸ் காட்சியில் அனைவரும் லைட் அடித்து காண்பித்த போது, நல்ல விஷயத்தை அனைவரும் ஏற்றுக் கொண்டீர்கள் என்று சந்தோஷப்பட்டேன், அதற்கும் நன்றி.
திரையரங்குகளில் இப்படி நடைபெறும் என எதிர்பார்க்கவில்லை. ஒவ்வொரு படமுமே முக்கியமான படமாகத் தான் நினைக்கிறேன். அதிலும் வேலைக்காரன் படத்தில் முழுமையான சீரியஸான கதாபாத்திரத்தில் நடித்திருப்பதால் இன்னும் ஸ்பெஷல். ஒரு நடிகனாகவும், மனிதனாகவும் நிறைய மாற்றங்கள் அப்படம் என்னுள் ஏற்படுத்தியிருக்கிறது. அந்தப் படத்திற்கு அனைவரும் பெரிய வரவேற்பு கொடுத்திருக்கிறீர்கள். மிகப்பெரிய நன்றி.
என்னுடைய ரசிகர்கள், தமிழக மக்கள், மற்ற நடிகர்களின் ரசிகர்கள், நலம் விரும்பிகள், அனைவருக்கும் நன்றி. நீங்கள் அனைவருமே இந்த 2017-ம் ஆண்டை சந்தோஷமாக முடித்து வைத்திருக்கிறீர்கள். அதெல்லாம் தாண்டி இன்னும் நல்ல படங்கள் பண்ணலாம், உழைக்கலாம் என்ற பெரிய நம்பிக்கையையும் தைரியத்தையும் கொடுத்திருக்கிறீர்கள். அந்த நம்பிக்கையோடு 2018-ம் ஆண்டை சந்திக்க தயாராகி வருகிறேன். அனைவருக்குமே வாழ்க்கையில் சவால்கள் இருக்கின்றன. அது அனைத்தையும் நம்பிக்கையுடனும், சந்தோஷத்துடனும் எதிர்கொள்வோம். இதுவரைக்கும் இருந்ததை விட 2018-ம் ஆண்டில் நாம் நினைத்தது எல்லாம் நடக்கட்டும். அனைவருக்கும் இனிய புத்தாண்டு நல்வாழ்த்துகள். உலகின் தலை சிறந்த சொல் - செயல்.
இவ்வாறு சிவகார்த்திகேயன் வீடியோவில் பேசியிருக்கிறார்.