மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி |
தமிழ்த் திரையுலகத்தில் இந்த ஆண்டு 200 படங்கள் வரை வெளியாகும் நிலை உருவாகியுள்ளது. இதில் 95 சதவீதப் படங்கள் வெற்றிப் படங்கள் இல்லை என்றாலும் வெற்றி பெற்ற, வரவேற்பைப் பெற்ற சில படங்கள் மிகவும் வித்தியாசமான படங்களாக அமைந்தது குறிப்பிடத்தக்கது. அதனால், தமிழ்த் திரையுலகம் இந்திய அளவில் கவனத்தையும் ஈர்த்துள்ளது.
திரைப்பட இணையதளமான ஐஎம்டிபி இணையதளம் இந்த ஆண்டின் சிறந்த 10 படங்கள் ரசிகர்களின் வாக்குகள் மூலம் தேர்வு செய்து அந்தப் பட்டியலை வெளியிட்டுள்ளது. அதில் 6 தென்னிந்தியத் திரைப்படங்களும், 4 ஹிந்திப் படங்களும் இடம் பிடித்துள்ளது.
புஷ்கர் - காயத்ரி இயக்கத்தில் சாம் சி.எஸ். இசையமைப்பில் மாதவன், விஜய் சேதுபதி, ஷ்ரதா ஸ்ரீநாத், வரலட்சுமி நடிப்பில் வெளிவந்த 'விக்ரம் வேதா' படம் முதலிடத்தைப் பிடித்து இந்தியத் திரையுலகத்தையே ஆச்சரியப்பட வைத்துள்ளது.
பல கோடி ரூபாய் செலவு செய்து 1700 கோடி ரூபாய் வசூலித்த 'பாகுபலி 2' தெலுங்குப் படம் இரண்டாம் இடத்தையே பிடித்துள்ளது.
விஜய், சமந்தா, காஜல் அகர்வால், நித்யா மேனன் மற்றும் பலர் நடிக்க ஏ.ஆர்.ரகுமான் இசையமைப்பில் அட்லீ இயக்கத்தில் வெளிவந்த 'மெர்சல்' படம் 9வது இடத்தைப் பிடித்துள்ளது.
மேலும் பல ஹிந்திப் படங்களையும் பின்னுக்குத் தள்ளி 'விக்ரம் வேதா' முதலிடத்தைப் பிடித்திருப்பதும் குறிப்பிடத்தக்கது.
ஐம்டிபி-யின் சிறந்த 2017ம் ஆண்டு படங்கள்
1. விக்ரம் வேதா (தமிழ்)
2. பாகுபலி 2 (தெலுங்கு)
3. அர்ஜுன் ரெட்டி (தெலுங்கு)
4. சீக்ரெட் சூப்பர் ஸ்டார் (ஹிந்தி)
5. ஹிந்தி மீடியம் (ஹிந்தி)
6. தி காஸி அட்டாக் (தெலுங்கு)
7. டாய்லெட் - ஏக் பிரேம் கதா (ஹிந்தி)
8. ஜாலி எல்எல்பி 2 (ஹிந்தி)
9. மெர்சல் (தமிழ்)
10. தி காட் ஃபாதர் (மலையாளம்)