மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி |
சமீபத்தில் வெளிவந்து அதிக வரவேற்பை பெற்றிருக்கும் படம் அருவி. இந்தப் படத்தில் ஜீ தமிழ் தொலைக்காட்சியில் லட்சுமி ராமகிருஷ்ணன் நடத்தும் சொல்வதெல்லாம் உண்மை என்ற நிகழ்ச்சியின் சாயலில் சொல்வதெல்லாம் சத்தியம் என்ற நிகழ்ச்சி காட்டப்படுகிறது. அந்த நிகழ்ச்சியை கிண்டல் செய்வதாகவும் கூறப்படுகிறது. இதுகுறித்து முன்பு கருத்து தெரிவித்த லட்சுமி ராமகிருஷ்ணன்.
"இந்தப் படத்தில் என்னை கிண்டல் செய்வது பற்றி எனக்கு முன்பே தெரியும். தணிக்கை குழுவில் பார்த்தவர்கள் சொன்னார்கள். அதோடு நல்ல கருத்துள்ள படம் அதனால் எதிர்ப்பு தெரிவிக்க வேண்டாம் என்றும் சொன்னார்கள். என்னை கிண்டல் செய்தாலும் அருவி நல்ல படம்" என்று கூறியிருந்தார்.
இந்த நிலையில் திடீரென அருவி படம் பற்றி கோபமாக விமர்சித்துள்ள லட்சுமி ராமகிருஷ்ணன், "என்னுடன் கேமரா முன்னால் நேரடியா விவாதிக்கத் தயாரா?" என்று அருவி இயக்குனருக்கு சவால் விடுத்துள்ளார். இதுகுறித்து அவர் தனது டுவிட்டரில் எழுதியிருப்பதாவது:
அநீதிக்கு ஆளான பெண்களுக்கு உதவும் தொலைக்காட்சி நிகழ்ச்சியை அருவி படத்தின் இயக்குனர் கேலி செய்துள்ளர். ஒரு பெண்ணை மையமாக வைத்து படம் எடுக்கும்போது இன்னொரு பெண்ணை அதில் தவறாக சித்தரிப்பது மோசமான செயல். உயிருடன் இருக்கும் பெண்ணுக்கு மதிப்பளிக்காதவர்கள் மத உணர்வுகளுக்கு எப்படி மதிப்பளிப்பார்கள். இயக்குனருக்கு தைரியம் இருந்தால் கேமராவுக்கு முன்னால் அமர்ந்து என்னை நேருக்கு நேர் சந்தித்து என் கேள்விகளுக்கு பதில் சொல்லட்டும் என்று எழுதியுள்ளார்.