டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
கௌதம் கார்த்திக்கை வைத்து 'ஹரஹர மகாதேவகி' என்ற அடல்ட் காமெடி படத்தை இயக்கியவர் சந்தோஷ் பி.ஜெயகுமார். அந்தப்படத்தின் வெற்றியைத் தொடர்ந்து, தற்போது அவர் இயக்கி வரும் படம் 'இருட்டு அறையில் முரட்டுக் குத்து'.
ஸ்டுடியோ கிரீன் நிறுவனம் சார்பில் கே.ஈ.ஞானவேல் ராஜா தயாரிக்கும், இந்த படத்தில் கௌதம் கார்த்திக், வைபவி சாண்டில்யா கதாநாயகன், கதாநாயகியாக நடிக்கிறார்கள். கடந்த சில வாரங்களாக இந்த படத்தின் படப்பிடிப்பு நடந்து வருகிறது.
இந்நிலையில் சந்தோஷ் பி.ஜெயகுமார் இயக்கத்தில் 'ஸ்டுடியோ கிரீன்' நிறுவனம் மற்றுமொரு படத்தையும் தயாரிக்க சமீபத்தில் பூஜை போடப்பட்டிருக்கிறது. இந்த படத்திற்கு 'கஜினிகாந்த்' என்று பெயர் வைத்துள்ளனர். சந்தோஷ் பி.ஜெயகுமார் இயக்கும் மூன்றாவது படமான இப்படத்தில் ஆர்யா கதாநாயகனாக நடிக்கிறார்.
'வனமகன்' படத்தில் நடித்தவரும், இப்போது விஜய்சேதுபதியுடன் 'ஜுங்கா', பாண்டிராஜ் இயக்கத்தில் கார்த்தி நடிக்கும் படத்தில் கதாநாயகியாக நடித்து வருபவருமான சாயிஷா இப்படத்தில் கதாநாயகியாக நடிக்கிறார்.
இந்த படத்திற்கு 'இருட்டு அறையில் முரட்டு குத்து' படத்திற்கு இசை அமைத்து வரும் பாலமுரளி பாலுவே இசை அமைக்கிறார். இந்த படத்தின் படப்பிடிப்பு டிசம்பர் முதல் வாரம் துவங்கவிருக்கிறது.
'கஜினிகாந்த்'என்று இந்தப்படத்துக்கு பெயர் வைக்கப்பட்டது பல்வேறு சந்தேகங்களை கேள்விகளை எழுப்பியுள்ளது. அதாவது இந்தப்படம் ரஜினியை கிண்டல் பண்ணும் விதத்தில் எடுக்கப்படும் படமா என்பதே இது.